Drejtësia nën ethe/ Nga kunatat te vjehrrat, hetim dhuruesve të gjyqtarëve

Postuar: 13/06/2018 - 08:43

Të gjithë personat, të cilët në vite të ndryshme kalendarike, u kanë dhënë gjyqtarëve dhe prokurorëve para hua, u kanë dhuruar pasuri të luajtshme apo të paluajtshme, në mënyrë fiktive apo reale, duhet të justifikojnë burimin me dokumentacion ligjor para njerëzve të Vetingut dhe përfaqësuesve ndërkombëtarë.

Miqtë, kunatat, kunetërit, bashkëjetueset, motrat, vëllezërit, vjehrri, vjehrra, prindërit, kushërinjtë dhe çdo person tjetër me lidhje interesi, që referohet nga gjyqtari dhe prokurori për justifikimin e pasurisë, po i nënshtrohet dhe do t’i nënshtrohet një hetimi të thelluar nëse huaja apo dhurata justifikohet me dokumentacion ligjor.

Pavarësisht raportit që referon Inspektoriati i Lartë i Deklarimit dhe Kontrollit të Pasurive si dhe përgjigjeve që japin bankat, shoqëritë e ndryshme dhe institucionet shtetërore, borxhlinjtë dhe dhuruesit e njerëzve të drejtësisë do japin sqarim shterues.

Një shembull se si po kalojnë në sitën e Vetingut të gjithë personat që kalë lidhje reale apo fiktive interesi me gjyqtarët dhe prokurorët është zbardhja e vendimit për shkarkimin e anëtarit të Gjykatës Kushtetuese, Fatmir Hoxha, nga Komisioni i Pavarur i Kualifikimit. Fatmir Hoxha ka deklaruar blerjen e një apartamenti me sipërfaqe 112.36 m², me vlerë 140.450 euro.

Për të justifikuar këtë shumë, përpos të tjerave, ai ka deklaruar se i ka marrë 28.500 euro borxh kunatit. Njerëzit e Vetingut, të asistuar edhe nga përfaqësuesit e Operacionit Ndërkombëtar të Monitorimit, kanë marrë në pyetje kunatin dhe i kanë kërkuar justifikimin e kësaj shume.

“Për sa më sipër u mor dëshmia nga Z. A. G., i cili u paraqit pranë ambienteve të Komisionit të Pavarur të Kualifikimit, ku dha deklaratën e tij, pasqyruar në procesverbalin e mbajtur, më datë 21.02.2018, në të cilën konfirmoi huanë e dhënë sipas deklarimit të subjektit të rivlerësimit. Nga verifikimi i dokumentacionit në dosje, rezultoi se nga Z. A. G., nuk është depozituar asnjë dokument për justifikimin e ligjshmërisë së burimit të krijimit të pasurisë, të cilën ai e ka dhënë hua”, thuhet në vendim.

Praktika  

Kjo praktikë hetimi do të ndiqet për të gjithë gjyqtarët dhe prokurorët, të cilët do t’i nënshtrohen procesit të Vetingut sipas përparësisë së përcaktuar nga ligji dhe shortit të hedhur nga Komisioni i Pavarur i Kualifikimit. Janë rreth 30 për qind e gjyqtarëve dhe prokurorëve, të cilët në vite të ndryshme kalendarike, kanë deklaruar para ose pasuri të paluajtshme dhuratë nga njerëzit e afërt si dhe para borxh po nga persona të afërt.

Dhuratat dhe paratë borxh, në shumë raste, janë një nga manovrat e gjyqtarëve dhe prokurorëve për të justifikuar llogaritë bankare dhe pasuritë e paluajtshme, të cilat tejkalojnë në vlerë të ardhurat e tyre të ligjshme. Gjatë verifikimit të deklaratave vjetore të pasurisë, gjyqtarët e dhe prokurorët deklarojnë apartamente, vila, makina, prona dhe para cash dhuratë. Gjithashtu, disa prej tyre deklarojnë deri në disa qindra mijëra euro hua nga të afërmit e tyre.

/Shqiptarja.com/

/portali DurresLajm/

Na bëni like në facebook!: 

Lajme nga e njëjta kategori

Tragetet e linjave Durrës – Bari dhe Durrës – Ankona e kthim kanë transportuar gjatë periudhës janar-qershor të këtij viti 9 përqind mall

Sipas MeteoAlb ditën e sotme, moti do të paraqitet i vranët me shira të herë pas hershme në Veri-Veriperëndim të vendit dhe pjesërisht në

Autoriteti i Aviacionit Civil i ka kërkuar institucionit homolog në Itali që të marrë masa ndaj kompanive ajrore që ofrojnë shërbime në T

Kjo ishte situata e trafikut këtë të diel në rrugën dytësore Plepa - Golem, e cila rëndohet gjatë fundjavës për shkak të fluksit të pushu

Ndërron jetë në spitalin e Durrësit i riu që u transportua sot me urgjencë nga plazhi i Gjirit të Lalzit.

Rrezet e forta të dielit në stinën e verës mund të shkaktojnë sëmundje të rrezikshme të lëkurës.

Teksa temperaturat sot arrijnë deri në 37-38 gradë, duke bërë që shumica e shqiptarëve t’i drejtohen plazheve, nesër pritet kthesë e moti

Mijëra pushues nga rajoni i janë drejtuar bregdetit të Shqipërisë, për të kaluar fundjavën ose pushimet verore.

Ministria e Bujqësisë dhe Zhvllimit Rural nëpërmjet Auteritetit Kombëtar të Ushqimit (AKU) ka forcuar dhe shtrënguar akoma më shumë masat