"E fshihte tradhtinë e më akuzonte për të çmendur...". Rrëfimi i 28-vjeçares që punësoi dedektiv privat

Postuar: 18/02/2018 - 20:15

   Detektivi privat është një profesion i lirë që ushtrohet që nga viti 2015 në Shqipëri. Në këtë vit u licencua për herë të parë nga shteti, Instituti i Detektivit Privat, i vetmi që formon dhe licencon investigues

Deri më tani numërohen rreth 40 “Sherlok Holmes shqiptarë”.

Detektivi privat lindi si profesion për herë të parë në Francë në vitin 1833. Me ndryshimet e para një viti në Shqipëri në Kodin e Procedurës Penale dhe Civile u jepet e drejta palëve të paraqesin në gjyq prova të mbledhura edhe nga detektivë privatë.

Një investigues heton që nga tradhtia bashkëshortore e deri tek mashtrime financiare, vjedhje teknologjie, aksidente rrugore, vrasje të pazbuluara, zhdukje të personave e të tjerë.

Top Channel sjell historinë e një 28-vjeçareje nga Tirana që punësoi një detektiv privat për të provuar dyshimet e saj se partneri e tradhtonte.

Ajo kishte 6 vjet që bashkëjetonte me njeriun që donte. Lindën një fëmijë dhe fill pas kësaj gjërat ndryshuan.

“Tri vitet e fundit filloi ta mbante telefonin në xhep, nuk e lëshonte kurrë nga dora. Nisi të punonte më gjatë. Vinte në 12, apo 2 të natës, ndërkohë që në mëngjes duhet të ikte në punë dhe prap rrinte deri në 5 të mëngjesit në internet. U çova natën të kontrolloja telefonin dhe shoh biseda me persona të panjohur dhe me profile fals. Kur u kthye nga puna e ballafaqova dhe nuk i pranoi. Mohonte çdo gjë. E mendoja një person të pastër, nuk e mendoja që të arrinte në këtë pikë që të fliste kaq banalitete, kaq perversitete në ato biseda. Një imagjinatë e shfrenuar”, rrëfen 28-vjeçarja.

Prindërit e bashkëjetuesit jo vetëm që nuk e besonin, por e quanin të çmendur 28-vjeçaren.

“Më gënjente aq shumë, saqë edhe unë vete nisja të besoja ndonjëherë që e kisha gabim. Vjehrri, vjehrra më akuzonin që isha çmendur dhe se do të më merrnin vajzën. Ky ishte kulmi i të gjithave dhe nuk më interesonte më. Më interesonte vetëm vajza”, kujton ajo.

Ishte e vendosur t’u provonte të gjithëve që kishte të drejtë, ndaj nisi kërkimet për një detektiv privat.

“Kontaktova në internet me një nga detektivët privatë. Nuk ishin vetëm detektivë, por ishin edhe psikologë të mirë. Lidha një kontratë shërbimi me detektivin privat. Ata mendonin që 14 ditë ishte një kohë e mjaftueshme për ta parë se ku shkon, me kë shoqërohet dhe çfarë bën. Isha e gatshme që të bëja gjithçka për të zbuluar të vërtetën. E kishin kapur në momente kompromentuese, duke u puthur dhe duke u përkëdhelur në zona intime në një ambient publik”, shton 28-vjeçarja.

Si u ndje kur pa fotot e tradhtisë?

“U ndjeva e lehtësuar sepse doli e vërteta dhe unë isha në rregull. E dija se çfarë më priste. Isha e parapërgatitur për tradhtinë. Vjehrri u trondit më shumë. Më kërkoi falje dhe prej atij momenti, thjesht i kam thënë që të largohet nga jeta ime dhe nuk dua t’i shoh më. Vajzën nuk ua kam ndaluar që ta shohin, mund ta shohin sa herë të duan, por gjithmonë në praninë time”, thotë ajo.

Po kur ballafaqoi ish-bashkëjetuesin e saj me këto foto?

“Thjesht po kërkon të ndahesh më tha. Deshe të ndahesh nga unë! Ja arrite qëllimit – më tha dhe u largua. Prap mua më ngeli faji, por asgjë nuk krahasohet me çlirimin që kam brenda. Nuk krahasohet as pagesa. Jam e lehtësuar totalisht që nuk e kam më pranë vetes”, shton ajo.

A ja ka rekomanduar njeriu tjetër shërbimin e detektivit privat?

“Po ja kam rekomanduar para dy javësh një shoqes time që kishte probleme me tradhti bashkëshortore, akoma më keq se unë, sepse dhunohej sistematikisht nga i shoqi”, tregon 28-vjeçarja. /tch

/portali DurresLajm/

Na bëni like në facebook!: 

Lajme nga e njëjta kategori

Ish-anëtari i Byrosë Politike, Muho Asllani kujton në një intervistë vitet e burgut të ish-drejtuesve komunistë.

“Quhem Navid, jam 28 vjeç dhe vij nga Afganistani. Për shkak të luftës lashë shtetin e Afganistanit dhe erdha këtu.

Banorët e zonës së Rrashbullit dhe Xhafzotajt iu kanë vënë zjarrin tokave të tyre bujqësore.

Është publikuar momenti i arrestimit të Violeta Donajt, gruas 35-vjeçare që ekzekutoi me katër plumba burrin e saj Kujtim Donaj, 42 vjeç.

Gjatë fundjavës, Policia Rrugore vijon me shtrëngimin e masave penalizuese për drejtuesit e mjeteve që thyejnë rregullat e qarkullimit.

Në Shqipëri paraditja vijon me kthjellime e vranësira të shpeshta; më të dendura pas mesditës në zonat malore ku pritet të ketë rrebeshe

   Grupi ndërministror qeveritar dhe kompania koncesionare e rrugës Milot-Morinë kanë përmbyllur procesin e negociatave duke dalë me një

   Riparimi i shtresave asfaltike në aksin Tirane – Durrës në kuadër të projektit të mirëmbajtjes me performancë të Bankës Botërore do të

   Moti mbetet gjatë gjithë ditës me kthjellime dhe kalime të shpeshta vranësirash.

Mbi 100 deputetë dhe ish-deputetë të Parlamentit Shqiptar kanë shfrytëzuar maksimalisht një privilegj që ua jap ligji, duke futur mjete ‘