EMRAT/ Durrës, emërohen dy zv/drejtorët e përgjithshëm të Drejtorisë Ekzekutive në AP (FOTO)

Postuar: 12/01/2018 - 19:28

   Në vizionin e drejtuesve të rinj të Autoritetit Portual, porti më i madh i vendit i ka kapacitetet profesionale dhe intelektuale për një ndryshim rrënjësor. 

"Profesionistët e mirëfilltë të qytetit të Durrësit dhe të rinjtë e diplomuar me rezultate të larta në Universitetin “Aleksandër Moisiu” janë gjithashtu në vemendjen e politikave të punësimit në APD. Porti është një subjekt specifik dhe strategjik, që kërkon një angazhim të plotë, cilësi të larta profesionale dhe obligim fizik në kryerjen e detyrave. Specialistët dhe drejtuesit në pozicionet e reja po përzgjidhen, duke rivlerësuar burimet ekzistuese në port dhe kapacitetet intelektuale të qytetit të Durrësit",- thuhet në njoftimin e APD-së.

Duke ndjekur këtë optikë, ditët e fundit në Drejtorinë e Përgjithshme Ekzekutive të APD-se janë emëruar dy Zv/drejtorët e rinj:

Zv. Drejtore Ekzekutive e APD, Sonila Toska

Znj. Toska në periudhën 2002-2014 ka punuar në Drejtorinë e Marrëdhënieve me Jashtë në Komisionin Qendror të Zgjedhjeve në Tiranë.
E diplomuar në Fakultetin e Filologjisë -Universiteti i Tiranës- në vitin 2000, Sonila Toska ka kontribuar më parë si përkthyese në Institutin Ndërkombëtar të Krizave dhe në Qendrën “Paqe nëpërmjet Drejtësisë” në Tiranë. 
Ish-maturante në shkollën e mesme “Gjergj Kastrioti” në Durrës, znj. Toska gjatë vitit 2017 ka punuar si specialiste në Sektorin e Promocionit në APD.

Zv. Drejtor Ekzekutiv i APD, Petrit Çerçizi

Z. Petrit Çerçizi pas shkollës së mesme “Gjergj Kastrioti” në Durrës, në vitin 1977 ka përfunduar studimet në fakultetin e Ekonomisë –Universiteti i Tiranës.
Në periudhën 1977-1996 punon pranë Ministrisë së Mbrojtjes me detyrën e kryetarit të degës së planit e të financës. 
Kryetar i Komisionit të Kthimit e Kompensimit të Pronave (2002-2004); anëtar i Këshillit Bashkiak Durrës (2007-2011); Sekretar i Këshillit të Qarkut Durrës (2007-2012) dhe më pas Drejtor i përgjithshëm i Rezervave Materiale të Shtetit (2012-2013), z. Çerçizi ka një përvojë të gjatë në administratën shtetërore.

/portali DurresLajm/

Na bëni like në facebook!: 

Lajme nga e njëjta kategori

   Matteo Salvini, zëvendëskryeministër, bashkëkryetar koalicioni dhe Ministër i Brendshëm i qeverisë së re italiane ka propozuar së fund

   Mbi dyzet të rinj nga të gjitha vendet e Ballkanit Perëndimor u mblodhën sot në Tiranë për të marrë pjesë në aktivitetin “Youth Trail

   Në pikun e sezonit veror, shoferët nga i gjithë vendi po vuajnë trafikun e rënduar në autostradën Tiranë- Durrës.

   Rruga e Arbrit është e para që u dha për t’u ndërtuar me koncesion sipas programit një miliard euro të qeverisë, ku paratë e ndërtimit

Policia kufitare ndalon zhytësit shqiptarë dhe ata të huaj për të kryer çfarëdo lloj zhytjeje përgjatë gjithë vijës bregdetare të Durrësi

Kryetari i bashkisë së Tiranës, Erion Veliaj ka përshëndetur deklaratën e aktorit Robert Ndrenika, i cili në një intervistë ka thënë se n

Një ditë pasi pësoi ishemi cerebrale, përmirësohet gjendja shëndetësore e deputetit të PS, Paulin Stërkaj. Mjekët e QSUT thonë për Report

Gentian Trenova prokuror i Apelit të Tiranës njëkohësisht dhe anëtar i Këshillit të Emërimeve në drejtësisë nuk ka kaluar provën e Vettin

Ura e Drojës e cila lidh Mamurrasin me Thumanën dhe Fushë-Krujën do të rindërtohet.