EMRAT/ Ja kush janë deputetët 'llafazanë' e 'memecë' në Kuvendin e Shqipërisë

Postuar: 13/01/2018 - 16:47

Të dhëna domethënese për deputetët e Kuvendit janë publikuar sot lidhur me angazhimin e tyre në Kuvendin e Shqipërisë në 3 muajt e parë të këtij mandati. Instituti i Studimeve Politike ka monitoruar prej shtatorit 2017, 18 seanca plenare dhe disa dhjetëra kronika mbi punën e komisioneve parlamentare. Me mbështetjen e qeverisë së Mbretërisë së Holandës, përmes database www.deputetim.al  ka sjellë disa të dhëna me interes nga raporti i plotë, i cili do të publikohet javën e ardhshme.

Sipas ISP, të dhënat e monitorimit tregojnë se dy liderit politikë, Edi Rama (PS) dhe Lulzim Basha (PD) kanë folur në 11 seanca parlamentare. Në disa prej tyre ata kanë folur më shumë se njëherë, kryesisht në replika me njëri tjetrin ose me deputetë të tjerë.

Gjithashtu edhe deputetët Taulant Balla (PS), Edmond Spaho (PD) e Petrit Vasili (LSI), duke qenë kryetar të grupeve parlamentare, kanë pasur më shumë akses procedural sesa deputetët e tjerë. Të pesë emrat, përfshirë kreun e Kuvendit Gramoz Ruçi, për shkak të funksionit të Rregullores së Kuvendit, nuk mund të konsiderohen “deputetë” të thjeshtë dhe janë përjashtuar nga tabela e vlerësimit.

Tabelat paraqesin deputetët më aktiv dhe më pasiv në parlament, - ata që kanë mbajtur fjalime të rregullta ose diskutime thelbësore në parlament si dhe ata që të vetmen fjalë në 3 muaj parlament kanë pasur fjalën “betohem” në seancën e parë inauguruese.

Janë përjashtuar nga numërimi rastet e ndërhyrjeve për replikë të shkurtër personale apo procedura, si dhe rastet e ndërhyrjeve me thirrje ose etiketime nga vendi.

Siç shihet nga tebaleta e publikuara, vetëm 4 deputetë kanë përqindje të lartë angazhimi në parlament, ata janë Panariti (LSI), Tabaku (PD), Bushka (PS) dhe Berisha (PD).

Secili prej tyre ka mbajtur fjalime në 9 seanca të rregullta, në total në 64% të punimeve të parlamentit. Pas tyre vijnë me 57% ose 8 fjalime 7 deputetë, - nga të cilët 2 socialistë (Hysi e Kushi) dhe 5 demokratë (Spahia, Balliu, Bylykbashi, Pampuri e Gurakuqi). Akoma më tej vijnë 9 deputetë me nga 7 fjalime, ose me 50% të seancave plenare. Interesant është se në këtë kategori nuk ka asnjë deputet të mazhorancës së majtë, por 6 deputetë nga PD dhe 3 nga LSI. Konkretisht, nga PD janë Salianji, Baçi, Murrizi, Meçorapaj, Shehu e Gjunkshi, kurse nga LSI Haxhinasto, Mehmetaj e Naço. Në tërësi rezulton se opozita ka pasur angazhim më të madh në fjalimet parlamentare, pavarësisht se një analizë e detajuar e përmbajtjes së fjalimeve dhe që do të publikohet në vijueshmëri nga ISP gjen mospërputhje midis numrit formal të fjalimeve dhe cilësisë së tyre në përmbajtje.

Tabela tjetër, ajo e deputetëve që nuk kanë pasur asnjë fjalim në parlament, është gjithashtu interesante. Përveç disa emrave të zakonshëm, të cilët edhe në legjislaturën e kaluar kanë pasur aktivitet minimal parlamentar, vlen edhe fakti se midis deputetëve “ngelës” nuk bën pjesë asnjë nga PD, duke dëshmuar se opozita ka qenë më aktive në përqindje sesa pala në qeveri. Aty gjenden 11 deputetë të PS (Xhindi, Kamani, Ndraxhi, Luzha, Harusha, Belba, Sterkaj, Suli, Rraja, Abazi dhe Bushaj), 3 deputetë të LSI (Çela, Rehovica e Tavo), 3 deputetë të PDIU (Rakipi, Muça e Xhina), si dhe deputeti i vetëm i PSD (Doshi).

Siç shihet, në listën e të “pa angazhuarve” gjenden emra të njohur të politikës si ish-ministri Tavo, por edhe një numër i madh biznesmenësh që kanë hyrë në parlament në zgjedhjet e fundit ose vijojnë me mandatet e dyta apo të treta. Po ashtu në këtë kategori bëjnë pjesë edhe dy deputetët Rakipi e Rehovica, të cilët humbën mandatin në janar përmes vendimit të KQZ në kuadër të procesit të dekriminalizimit.

/portali DurresLajm/

Na bëni like në facebook!: 

Lajme nga e njëjta kategori

Duket se nuk ka lajme të mira nga moti për ditën e nesërme.

Specialistët për Krimet në Komisariatin e Policisë Durrës kanë arrestuar në flagrancë një shtetas që vidhte kabinat e kompanive telefonik

Kryebashkiaku i Durrësit Vangjush Dako, ka publikuar në faqen e tij në “Facebook” lajmin e çmimit ndërkombëtar që fitoi projekti i “Sfink

KLSH kallëzon në prokurori ish-drejtorin, 2 përgjegjës sektori legalizimi, 3 ish-përgjegjës sektori legalizimi dhe 2 specialistë të drejt

Një drejtues mjeti që lëvizte me shpejtësi gati 100 km/h në Rrugën e Kavajës në kryeqytet mbrëmjen e djeshme, është ndaluar nga policia.

Vijon dominimi i kthjellime në Veri dhe zonat Qendrore, por vranësira kalimtare do të ketë ekstremi Jugor i vendit.

   Departamenti i Shtetit thotë se problemet më të konsiderueshme të të drejtave të njeriut në vitin 2017 në Shqipëri, ishin “kufizimet n

   Ish-ministri i Brendshëm Saimir Tahiri është i ftuar sonte në emisionin “Zonë e Lirë” në Tv Klan, të gazetarit Arian Çanit.

   I ftuar mbrëmjen e sotme në “Zonë e Llirë”, Arjan Çani i ka treguar ish-ministrit i brëndshëm një video të vitit 2012 kur kishte “para

   Ministria e Infrastrukturës dhe Energjisë i ka nisur letër-propozimin zyrtar kompanisë koncesionare Albania Highway Concession