I shkruajti Dakos, Bashkia e Durrësit i përgjigjet biznesmenit italian (FOTO)

Postuar: 14/01/2018 - 14:25

Pas e-mail-it të biznesmenit italian drejtuar kryetarit të bashkisë Vangjush Dako, lidhur me shqetësimin që ai kishte për shkallën e ndotjes në bregdetin e Durrësit, ka reaguar edhe Ndërmarrja e Komunales së Plazhit Durrës.

Siç e shihni edhe në këto dy foto që “DurrësLajm” ka shkrepur paraditen e sotme (14.1.2018) në plazh, vija bregdetare është e pastruar: nuk ka as mbetje urbane dhe as depozitime leshteriku.

“DurrësLajm” u interesua pranë kësaj ndërmarrjeje nëse reagimi i tyre kishte ardhur në një kohë kur u bë publik në media shqetësimi që ngrinte biznesmeni i huaj në vendin tonë. Burimet thanë që vija bregdetare e plazhit të Durrësit pastrohet rregullisht, çdo ditë. “Jo vetëm që mbetje urbane nuk diskutohet të ketë, por edhe leshterikët që dalin në breg, pastrohen rregullisht çdo ditë. Pas orës 08:00 të mëngjesit, i gjithë bregdeti është i pastruar”, thanë burimet nga kjo ndërmarrje.

Ditën e sotme, “DurrësLajm” publikoi e-mail-in që biznesmeni italian Marco Ghirardi, i kishte dërguar kryebashkiakut Dako, të shoqëruar me disa foto nga bregdeti, ku grumbujt me leshterikë dhe mbetjet urbane dominonin të gjithë panoramën e gjirit të Durrësit. Biznesmeni Ghirardi shpresonte se pas publikimit të lajmit, autoritetet do të ndërgjegjësoheshin dhe do të viheshin në lëvizje për ta pastruar dhe mbajtur pastër në vazhdimësi bregdetin tonë të bukur.

Por sipas Ndërmarrjes së Komunales, fotot e bëra nga italiani mund të jenë shkrepur në një kohë që procesi i pastrimit nuk kishte filluar ende, dhe kamioni nuk kishte shkuar për të ngarkuar depozitimet me leshterikë apo mbeturina që mund të hedhin qytetarët.

/portali DurresLajm/

Na bëni like në facebook!: 

Lajme nga e njëjta kategori

Ashtu sikundër investimi te sheshi ku po ndërtohet “Veliera” në qendër të Durrësit, edhe   sheshi te Mauzoleumi i Dëshmorëve është peng i

Vranësirat dominojnë të gjithë territorin duke gjeneruar reshje të pakta shiu e dëbore në pjesën më të madhe të vendit.

Urbanisti Ardian Muka ka hedhur shigjeta të drejtpërdrejta akuze në drejtim të kryetarit të trupës gjykuese të çështjes “Veliera”.

Reshjet e dendura të shiut dhe dëborës në disa rrethe, të cilat kanë shkaktuar edhe rënie gurësh dhe inertesh në disa akse rrugore kanë b

   Shqipëria është në prag epidemie nga gripi.

   Bllokimi i punimeve prej gati një viti në sheshin “Veliera” në Durrë ka sjellë reagimin qytetar mbi të ardhmen e këtij sheshi.

   Gjatë ditës së sotme dhe mbrëmjes së djeshme territori i Shqipërisë është përfshirë nga reshje të dendura shiu dhe në zonat malore në

   Edmond Çela, shefi i Hetimit në Drejtorinë e Kufirit në Korçë është pezulluar nga detyra. Pezullimi i tij nga SHÇBA vjen një ditë pasi

   Në ditën e dytë të takimit mes ministrit të Jashtëm, Ditmir Bushati me homologun grek, Kotzias anëtarë të komunitetit çam kanë protest

   Në një kohë kur Anna Nordstrom, vajza e biznesmenit të ndjerë Vebi Veliaj, ka fituar dëshminë e trashëgimisë në gjykatën e Tiranës, dh