Specialistët e Seksionit për Narkotikët godasin një rast të drogave të forta në Durrës.
Kështu, në kuadër të finalizimit me sukses operacioni i koduar “Segmenti”, janë arrestuar në falgrancë 3 persona, u sekuestruan 0.5 kg Kokainë, një pistoletë, vlera monetare dhe 4 telefona celularë.
Janë arrestuar në flagrancë shtetasit:
•Laurian Malko 32 vjeç, banues në Durrës;
•Elmaz Gjepali 29 vjeç, banues në Gjepalaj, Shijak;
•Mirvete Tupi 47 vjeçe, banuese në Durrës
Arrestimi i tyre u bë pasi më datë 25.09.2017, në lagjen nr.14, Shkozet gjatë kontrollit të ushtruar shtetasve të mësipërm iu gjetën dhe sekuestruan në cilësinë e provave materiale:
• rreth 0.5 kg lëndë narkotike e dyshuar e llojit Kokainë;
• një pistoletë tip Ekol Special (zhurmuese) dhe një kreher;
• vlera monetare në lekë dhe Euro;
• 4 aparatë telefoni celularë.
Roli i shtetasve të arrestuar:
Shtetasi Elmaz Gjepali siguronte lëndën narkotike të llojit Kokainë.
Shtetësia Mirvete Tupi lëndën narkotike të siguruar nga shtetasi Elmaz Gjepali ia jepte shtetasit Laurian Malko dhe ky i fundit e shiste.
Nëse lënda narkotike do të shitej vlera e saj në treg do të shkonte rreth 50 000 €.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale:
• “Prodhimi dhe shitja e narkotikëve” në bashkëpunim dhe “Prodhimi dhe mbajtja pa leje e armëve luftarake dhe e municionit” në ngarkim të shtetasit Laurian Malko parashikuar në nenet 283/2 dhe 278/3 të Kodit Penal;
• “Prodhimi dhe shitja e narkotikëve” në ngarkim të shtetasve Elmaz Gjepali dhe Mirvete Tupi parashikuar në nenin 283/2 të Kodit Penal.
