Krerët e komuniteteve fetare, letër Merkelit dhe Makronit: Hapni negociatat

Postuar: 18/06/2018 - 20:22

   Krerët e komuniteteve fetare në Shqipëri përmes një letre të përbashkët drejtuar Kancelares gjermane Angela Merkel dhe Presidentit francez Emmanuel Macron bëjnë apel për hapjen e negociatave.

Letra e firmosur nga kryetari i Komunitetit Mysliman Skënder Brucaj, Kryepeshkopi i Tiranës dhe i Durrësit dhe i gjithë Shqipërisë i Kishës Ortodokse Autoqefale, Prof. Dr Anastasios, Sekretari i Përgjithshëm i Konferencës Episkopale Shqiptare dhe Arqipeshkvi i Rrëshenit, Imzot Gjergj Meta, Kryegjyshi Botëror i Kryegjyshatës së Bektashinjve Haxhi Dede Edmond Brahimaj dhe Presidenti i Vëllazërisë Ungjillore të Shqipërisë Pastor Ylli Doci, bëjnë apel për një vendim pozitiv të tyre për hapjen e negociatave të anëtarësimit të Shqipërisë me Bashkimin Evropian.

“Në këtë moment të një rëndësie të madhe, dëshirojmë të theksojmë edhe një herë atë që kemi shprehur kohët e fundit në deklaratën tonë të përbashkët të datës 21 prill 2018: ne shqiptarët jemi pjesë e Evropës. Ne jemi pjesë e një historie që shtrihet në origjinën e Evropës. Është një histori që ka rrënjë mijëra vjeçare. Rrënjë të përbashkëta kulturore dhe sociale na lidhin. Jemi të bindur se rruga drejt Bashkimit Evropian përfaqëson dëshirën e kahershme të njerëzve tanë, si edhe vlerat e një shoqërie të lirë ku çdokush mund të ushtrojë të drejtat e tij e ndër to, e drejta e lirisë dhe besimit fetar është thelbësore. Ne i jemi mirënjohës Zotit për faktin se historia e popullit shqiptar ka treguar një jetëgjatësi të qëndrueshme të vlerës së respektit për dallimin fetar, duke jetuar së bashku në harmoni si një familje”, thuhet në letër.

Sipas tyre, rruga drejt Bashkimit Evropian është veçanërisht kritike për rininë tonë.

“Të rinjtë shqiptarë renditen mes euro-entuziastëve më të fuqishëm, e megjithatë ata ndjehen më të frustruar, sepse edhe pse jetojnë pranë shokëve të tyre evropianë, janë të përjashtuar nga të njëjtat mundësi. Mbështetja juaj për Shqipërinë në procesin e pranimit, më këtë moment kritik, kur vlerat e tolerancës, solidaritetit dhe të drejtave të njeriut kërcënohen nga radikalizmi, fanatizmi dhe ideologji të tjera si këto. ju bëjmë thirrje të pranoni dëshirën e sinqertë të të gjithë shqiptarëve, dhe të na mbështesni në angazhimin tonë të pakthyeshëm për një Shqipëri si pjesë e Evropës.

Me lutje të zjarrtë, ne riafirmojmë angazhimin tonë për të mbetur mbështetës të palëkundur të vlerave evropiane të një shoqërie me liri, drejtësi dhe prosperitet për të gjithë”, përfundon letra.

/portali DurresLajm/

Na bëni like në facebook!: 

Lajme nga e njëjta kategori

Tetë vjet pas ngjarjes së rëndë që tronditi Durrësin, ku tre persona u vranë në një lokal, (17-vjeçari Ani Curri, Luan Curri dhe Edmond S

   “Me ikjen e Fadil Hasës kemi humbur diçka nga vetja jonë”. Me këto fjalë të ndjera i përgjgjet ikjes së bashkëpunëtorit të vj

Komisioni i Pavarur i Kualifikimit ka zhvilluar ditën e sotme seancën në ngarkim të gjyqtares së Gjykatës së Apelit për Krimet e Rënda, n

   Kryetari i Partisë Demokratike, Lulzim Basha, dhe lideri historik i demokratëve Sali Berisha kanë marrë pjesë sot në homaxhet për akto

Artistë nga e gjithë Shqipëria kanë mbërritur sot në hollin e teatrit “Aleksandër Moisiu” në Durrës, për të marrë pjesë në homazhet e art

Sikundër edhe pritej, Komisioni i Pavarur i Kualifikimit vendosi sot shkarkimin nga detyra të gjyqtarit të Gjykatës së Lartë, Admir Thanz

Kryetari i Gjykatës së Lartë, Xhezair Zaganjori, do t'i nënshtrohyet gjatë kësaj jave procesit të Vettingut.

Prej disa ditësh vendi ynë është goditur nga disa lëkundje tërmeti.

Pjesa e parë e ditës vijon me kthjellime dhe vranësira të shpeshta në Veri dhe Qendër duke sjellë shira të përkohshme, ndërsa Jugu mbetet