Në pikun e sezonit veror plazhi i Durrësit është boshatisur nga pushuesit në masë të madhe. Shkak është bërë festa e Kurban Bajramit, që ka frenuar ardhjen e pushuesve nga Kosova, ndërsa ata që ishin janë larguar për të festuar me familjet e tyre atje.
Banorët thonë se banesat i kanë bosh për shkak se numri i pushuesve është i ulët.
Të paktë janë pushuesit në plazh që zhvillojnë banjo rëre. Ata janë të kënaqur me kushtet dhe me çmimet që u janë ofruar.
Çmimet e banesave dhe të hoteleve janë shumë ekonomike dhe variojnë nga 10 deri në 25 Euro nata. Më së shumti në plazhin e madh pushues tradicionalë janë të Kosovës.
Të gjitha banesat, hotelet, restorantet, baret e gjithçka tjetër është vënë në shërbim të tyre.
K.H.