Leksion i hapur për emigracionin në UAMD nga profesor Garcia nga SHBA (VIDEO)

Postuar: 17/05/2018 - 16:04

Mes prillit dhe shtatorit të vitit 1980, më shumë sesa 120,000 kubanë u larguan nga atdheu i tyre nën diktaturën e Fidel Castros drejt lirisë. Nga porti i vogël i Marielit ata udhëtuan me anije përmes ngushticave të Floridas dhe pushtuan brigjet amerikane. Që kjo ngjarje të mos harrohej, Prof. As. Dr. José Manuel Garcia nga Florida Southern College, që në kohën e këtij eksodi ishte adoleshent, ka shkruar librin "Zëra nga Marieli", ku ka mbledhur historitë gojore të këtyre emigrantëve.

Libri, i publikuar vetëm dy muaj më parë, është plotësim përmbajtësor i dokumentarit me të njëjtin titull që ka fituar tre çmime të rëndësishme në Shtetet e Bashkuara të Amerikës.

I ftuar në katedrat më të rëndësishme për të folur rreth historisë së tij personale, por edhe rrëfyer eksodin më të madh të Amerikës Latine, Prof. Garcia mbajti sot një leksion të hapur me studentë të Fakultetit të Shkencave Politike në Universitetin "Aleksandër Moisiu" të Durrësit.

Ai rrëfeu historinë e emigrimit të tij kur ishte adoleshent dhe peripecitë e realizimit të dokumentarit pas 30 vitesh, për të cilin iu desh të hynte ilegalisht në Kubë. Sipas profesorit, "numri i lartë i emigrantëve që udhëtuan nga Kuba drejt Floridës iu tregonte qartë Shteteve të Bashkuara, por edhe botës mbarë pakënaqësinë e njerëzve me regjimin e Castros dhe revolucionin e tij".

"Zëra nga Marieli ka përmbledhur historitë e përvojat e “marielito”-ve (emigrantëve të nisur nga Marieli) nga të gjitha rrugët e jetës. Janë rrëfenja të zhgjëndrrave, dashurisë për familjen dhe atdheun, si dhe shpresës për një të ardhme më të mirë. Bash ashtu si historia e shumë shqiptarëve të eksodit masiv të viteve '90.  Këto ngjarje duhen të tregohen  në mënyrë që të rinjtë të njihen me këtë pjesë të historisë, por dhe që ngjarje të tilla të mos përsëriten më", e përfundoi fjalën e tij prof. Garcia.

Studentët e pranishëm e ndoqën me vëmendje leksionin e hapur dhe shprehën interesin e tyre për të lexuar librin, një kopje e të cilit gjendet tashmë në Bibliotekën e Universitetit.

/portali DurresLajm/

Video: 
Na bëni like në facebook!: 

Lajme nga e njëjta kategori

Helmimet nga ushqimi bëhen më të shpeshta gjatë stinës së verës, kryesisht për shkak të kushteve në të cilat tregtohen dhe ruhen produkte

Zyra antikorrupsion e kryeministrit prej dy ditësh ka zbarkuar në Zyrën e Regjistrimit të Pasurive në Durrës.

Zylfije Haklaj motra e Shkëlqim, Halil, Ylli dhe Fatmir Haklajt të vrarë në Tropojë thyen heshtjen duke dhënë një intervistë për “Shqipta

Gjyqtari i Gjykatës së Lartë, Artan Zeneli është shkarkuar nga organet e Vettingut.

Një tjetër prokurore ka kaluar me sukses në sitën e Vettingut.

Prokurori i rrethit gjyqësor Tiranë, Arben Nela, njëherazi kandidat për Këshillin ë Lartë të Prokurorisë, do të përballet këtë të mërkurë

Pasagjerët e një avioni të nisur nga Tirana me destinacion Milanon, kanë përjetuar momente ankthi dhe paniku.

Vetëm pak ditë pasi shorti elektronik i gjykatës së Apelit Tiranë, përzgjodhi Shkëlqim Mustafa si gjyqtarin për të gjykuar kërkesën e ape

Kthjellimet dhe vranësirat kalimtare dominojnë motin gjatë pjesës së parë të ditës.

Nga koha kur iu rikthye sistemit të drejtësisë, deri sa doli para Vettingut, Artan Zeneli, gjyqtar i Gjykatës së Lartë, ka shtuar gati dy