Ligji nuk e lejon Haki Çakon të rikthehet në polici, ja drejtori që mund ta zëvendësojë

Postuar: 09/01/2018 - 09:15

Dje është liruar nga detyra e kreut të Policisë së Shtetit Haki Çako. Pozicioni i drejtuesit të Policisë së Shtetit tashmë i është besuar Rebani Jaupaj, i cili do qëndrojë i komanduar në këtë post, deri në emërimin e një drejtuesi tjetër nga ministri i Brendshëm Fatmir Xhafaj. Personi më tepër i nominuar për të qenë në krye të Policisë së Shtetit është Ardi Veliu, i cili aktualisht drejton policinë e Tiranës. Vendimi për lirimin nga posti i drejtimit të organizatës së Policisë, është marrë pas një takimi konsultativ mes ministrit aktual të Brendshëm Fatmir Xhafaj dhe drejtorit Çako.

Ministri Xhafaj vlerësoi kontributin, angazhimin dhe përkushtimin e Çakos në drejtimin e Policisë së Shtetit, gjatë viteve të fundit. Ai ka një karrierë të gjatë në Polici dhe ka drejtuar me profesionalizëm struktura të niveleve të ndryshme. “Me propozim të Ministrit të Brendshëm, Fatmir Xhafaj, Këshilli i Ministrave miratoi lirimin nga detyra të Drejtorit të Përgjithshëm të Policisë së Shtetit, Drejtues Madhor Haki Çako”, thuhet në njoftimin zyrtar të Ministrisë së Brendshme.

Ligji e largon përfundimisht

Vetë Haki Çako nuk ka pranuar të japë një koment lidhur me lirimin e tij nga kjo detyrë, duke e lënë mister nëse do vijojë të qëndrojë mes radhëve të policisë apo të emërohet diku tjetër, jashtë kësaj strukture. Kjo pasi në nenin 15 të ligjit për “Policinë e Shtetit” drejtori i policisë pas lirimit nga detyra nuk mund të jetë më pjesë e policisë. “…drejtori i Policisë së Shtetit, pas përfundimit të afatit të qëndrimit në detyrë, nuk rikthehet në strukturat e Policisë së Shtetit. Në interes të shërbimit të rendit dhe sigurisë publike ai mund të kryejë funksione të tjera këshillimore ose pedagogjike. Pas përfundimit të mandatit, ish-Drejtori i Policisë së Shtetit gëzon trajtim të veçantë, të miratuar me vendim të Këshillit të Ministrave…”, thuhet në ligjin për Policinë e Shtetit.

Emërimi e hetimi për “Imsi Catcher”

Haki Çako u emërua në pozicionin e drejtorit 2 vite më parë, më 16 prill 2015 në vendin e Artan Didit. Karriera e Çakos mori ngritje pas operacionit antidrogë në fshatin Lazarat të Gjirokastrës, ku Çako në këtë kohë ushtronte detyrën e drejtorit të këtij qarku. Gjatë ushtrimit të detyrës, një vit më parë prokuroria e Tiranës kërkoi pezullimin e Çakos nga detyra, për shkak të futjes në territorin Shqiptar të një paisjeje përgjuese, “Imsi Catcher”, të cilën policia e përdorte pa autorizim të Prokurorit të Përgjithshëm dhe SHISH.

Gjykata e Tiranës pranoi kërkesën e prokurorisë për të pezulluar Çakon nga detyra, por ish-kreu i Policisë së Shtetit qëndroi vetëm 1 javë i pezulluar pasi e riktheu në detyrë gjykata e Apelit Tiranë. Momentalisht çështja ndaj Haki Çakos dhe dy oficerëve të tjerë të Grupit të Operacionales janë në hetim nga prokuroria e kryeqytetit për akuzën e “Shpërdorimit të detyrës”.

/Shqiptarja.com/

/portali DurresLajm/

Na bëni like në facebook!: 

Lajme nga e njëjta kategori

   Një raport i CIA-s amerikane për Ballkanin, ku përmendej edhe Shqipëria si vend që ka probleme me drogën, është cilësuar i pasaktë dhe

   Presidenti i Republikës së Shqipërisë, Ilir Meta, ka uruar të gjithë besimtarët myslimanë për Festën e Kurban Bajramit.

   Drejtori i Drejtorisë së Hetimit tatimor, Enertil Canaj, ka dhënë ditën e sotme dorëheqjen nga detyra që mban.

   Edmond Bengo nuk ka qenë në kërkim nga autoritetet shqiptare.

   Rreziku nga helmimet ushqimore është prezent sidomos gjatë stinës së verës.

   Në pikun e sezonit veror plazhi i Durrësit është boshatisur nga pushuesit në masë të madhe.

Efektivët e Komisariatit të Policisë Krujë ndalojnë një shtetas të shpallur në kërkim kombëtar për veprën penale "Vrasje me dashje" e mbe

Për ata që kanë vendosur të pushojnë në ditët e fundit të gushtit, nuk do të kenë vetëm diell, megjithëse temperaturat do të arrijnë deri

Gazetari Flamur Vezaj ka publikuar kopje të vendimit të Kolegjit Penal të Gjykatës së Lartë i cili konverton dënimin e Edmond Bego nga 21

Policia Rrugore ka sjellë risinë e evidentimit me dron të parakalimeve të gabuara dhe shkeljeve që i bëhen rregullave të qarkullimit.