Ndryshon tërësisht shërbimi i hotelerisë në spitalin e Durrësit (VIDEO)

Postuar: 07/12/2017 - 17:30

Epoka e çarçafëve të verdhë apo të konsumuar tej mase ka marrë fund në spitalin rajonal të Durrësit.

Shefja e hotelerisë, Hasime Myftari në një intervistë për DurrësLajm tha se fituesi i tenderit ka filluar të operojë prej datës 26 tetor, ku është bërë furnizimi me materialin e butë, dyshekë, çarçafë, jastekë, jorganë.

Sipas Myftarit pas zbatimit të tenderit të lavanterisë, ka ndryshuar uniforma e të gjithë stafit mjekësor, duke e bërë atë sipas kërkesës së Ministrisë së Shëndetësisë, me siglën e institucionit dhe emërtimin e tyre.

Pas 30 muajsh, në fund të përfundimit të kontratës së koncesionit  duke nisur nga dyshekët e çdo shtrati dhe të gjitha materialet e tjera i kalojnë spitalit në pronësi.

Tenderi i lavanterisë aq shumë i përfolur kap vlerën 160 milionë lekë për 30 muaj.

Dhënia me koncension e shërbimit të lavanterisë, ka larguar prej spitalit të gjithë “pisllëkun” e hotelerisë, pisllëk me të cilin përballej që në fillim çdo pacient i cili kishte nevojë për ndihmë mjekësore.

Pacientët shprehen se nuk kanë më nevojë të marrin nga shtëpia asgjë, pasi edhe pizhamet dhe pantoflat i marrin sapo shtrohen në spital, ndërsa diferenca është e padiskutueshme në raport me disa javë më parë.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Fabio Dukagjini, i riu që u shpëtua nga Policia pasi ra në kanionet e Shpellës së Pëllumbasit, ka dhënë dëshminë e tij për momentin fatal

   Në Olimpiadën mbarëkombëtare të matematikës, që sapo ka përfunduar në qytetin e Beratit nxënësi durrsak Tedi Kallço është shpallur fit

   Këtë të dielë në territorin e Shqipërisë pritet të ketë një situatë të ndryshe nga dita që lamë pas.

   Javën e kaluar, në rubrikën tonë të emigracionit u ofruam sugjerime se si të përgatiteni për intervistën për vizën e emigrantit.

 Një sërë tërmetesh goditën vendin tonë gjatë mbrëmjes së djeshme.

   Policia Rrugore e Tiranës u ka bërë apel të gjithë përdoruesve të makinave që të mos konsumojnë alkool kur janë në timon pasi destinan

   Vlora gjatë natës është tronditur nga një tërmet i fuqishëm, i cili ka terrorizuar banorët.

   Vazhdon prerja e pishave të buta në Gjirin e Lalzit, ku bizneset e ndërtimit nxitojnë të ngrënë të tjera objekte betoni për t’iu përgj

   Lëkundje tërmeti me magnitudë 4.5 ballë janë ndjerë pasditen e së shtunës në Vlorë dhe në zonat përreth.

Gazetari Jetmir Olldashi, që intervistoi ‘dëshmitarin X’, Albert Veliu, doli në një konferencë për shtyp.