Qentë e rrugës shqetësim e rrezik i madh për banorët e Durrësit! Ata shtohen, masa s'merren

Postuar: 15/04/2018 - 11:19

Qentë endacakë janë kthyer në një shqetësim i cili nuk po merr asnjë zgjidhje prej vitesh. Përkundrazi, duket sikur ata vetëm po shtohen duke e përkeqësuar situatën.

Tufat e qeneve, të cilët lëvizin si grupazh dhe që shpesh frikësojnë të madh e të vogël, tashmë i gjen në çdo cep dhe rrugë kryesore të Durrësit.

Nëse vite më parë ky ishte një problem që kishte të bënte me zonat periferike, prej kohësh tufat e qenve shihen në qendër të Durrësit dhe bulevardin kryesor, “Vollga” dhe në zona të tjera të populluara. Mes tyre tashmë nuk bën dot dallimin nëse ka të regjistruar si endacak dhe me shenjat dalluese, apo edhe të tjerë të cilët i janë shtuar rishtaz këtyre tufave.

Një debat i hapur është gjithmonë prezent edhe për mënyrën se si duhen trajtuar këto tufa që shpesh janë edhe të rrezikshme. Të rriturit mund të kujdesen edhe vetë duke e shmangur kalimin pranë tyre, por shqetësim përbëjnë fëmijët të cilët lëvizin nëpër troturare, teksa dalin nga dyert e shkollave apo teksa hyjnë në ambientet e banesave.

Paniku ndër njerëz të ndryshëm është në rritje, pasi në disa raste mund të shënohen edhe incidente, qentë mund të sulmojnë njëri-tjetrin apo çfarë është akoma më e rrezikshme, të kafshojnë edhe banorët e qytetit. Si në rastin e këtyre fotove, të shkrepura mëngjesin e sotëm, kur drejtuesit e automjeteve duhet të përzënë fillimisht kopenë e qenve për të hipur në makinë.

DurrësLajm” ka transmetuar dy vite më parë një video ekskluzive në qendër të Durrësit, ku një qen i rracës “Pitbull” u ndesh me një qen rruge, duke e lënë këtë të fundit të masakruar (shih videon këtu). Kjo është një tjetër problematikë sa u përket qenve të rrezikshëm e sulmues, të cilët pavarësisht se janë qen shtëpie e lëvizin me pronarët e tyre, këta të fundit nuk i pajisin ndonjëherë me maskë mbrojtëse. Mundësitë për incidente janë kthyer në serioze, ndërsa masa deri më tani nuk janë marrë nga asnjë organ shtetëror. Situata veçse vazhdon të rëndohet...

/portali DurresLajm/

Na bëni like në facebook!: 

Lajme nga e njëjta kategori

Fabio Dukagjini, i riu që u shpëtua nga Policia pasi ra në kanionet e Shpellës së Pëllumbasit, ka dhënë dëshminë e tij për momentin fatal

   Në Olimpiadën mbarëkombëtare të matematikës, që sapo ka përfunduar në qytetin e Beratit nxënësi durrsak Tedi Kallço është shpallur fit

   Këtë të dielë në territorin e Shqipërisë pritet të ketë një situatë të ndryshe nga dita që lamë pas.

   Javën e kaluar, në rubrikën tonë të emigracionit u ofruam sugjerime se si të përgatiteni për intervistën për vizën e emigrantit.

 Një sërë tërmetesh goditën vendin tonë gjatë mbrëmjes së djeshme.

   Policia Rrugore e Tiranës u ka bërë apel të gjithë përdoruesve të makinave që të mos konsumojnë alkool kur janë në timon pasi destinan

   Vlora gjatë natës është tronditur nga një tërmet i fuqishëm, i cili ka terrorizuar banorët.

   Vazhdon prerja e pishave të buta në Gjirin e Lalzit, ku bizneset e ndërtimit nxitojnë të ngrënë të tjera objekte betoni për t’iu përgj

   Lëkundje tërmeti me magnitudë 4.5 ballë janë ndjerë pasditen e së shtunës në Vlorë dhe në zonat përreth.

Gazetari Jetmir Olldashi, që intervistoi ‘dëshmitarin X’, Albert Veliu, doli në një konferencë për shtyp.