Shqiptari i vrarë në Kolumbi, u zhduk në kohën kur në Durrës u kapën 613 kg kokainë

Postuar: 17/04/2018 - 14:33

Adriatik Lagjaj është emri i 41-vjeçarit shqiptar të vrarë në Kolumbi afro një muaj më parë. Në media u fol se ai është vrarë nga kartelet e drogës për shkak të prishjeve të pazareve të drogës dhe për shkak të sasisë së madhe të kokainës së kapur në vendin tonë, por kjo pistë është ende e pakonfirmuar. Kjo vrasje vjen në një kohë kur në Durrës u kap 613 kg kokainë e ardhur nga Kolumbia me kontenierë të kompanisë së banave “Arbri Garden”.

Ende policia nuk ka krijuar lidhje mes këtyre ngjarjeve, por ende nuk është zbuluar se kush ishte porositësi i drogës apo garanti i nisjes së ngarkesës më të madhe të kapur në vendin tonë ndonjëherë. Report TV sjell detaje ekskluzive nga vrasja e Adriatik Lagjajt një muaj më parë në Bogota të Kolumbisë dhe një intervistë ekskluzive me njerkën e tij, Zelina Lagjaj.

Ajo rrëfen për Report TV se Adriatiku kishte 14 vjet që jetonte në Kolumbi ku ishte martuar me një shtetase kolumbiane me të cilën kishte edhe një fëmijë, ndërsa nga një martesë e mëparshme kishte edhe një tjetër djalë. Lajmin për vrasjen e Adriatikut e kishin marrë vesh më 3 prill, kur nusja e djalit i kishte marrë në telefon dhe u kishte thënë se Adriatiku ishte vrarë.

"Lajmin e morëm në 3 prill në 08:00 të mëngjesit, djali ka qenë në Kolumbi me pasaportë, me familjen. Ka pasur një qendër interneti atje, hollësira nuk dimë se nuk kemi jetuar atje. Nusja e tij njoftoi djalin në Tiranë, ai nuk dinte shumë mirë spanjisht, njoftoi motrën në Borsh që është martuar. Nusja quhet Fani,  mori atë direkt me gjysma fjalë spanjisht gjysma anglisht, u kuptua që po qante, ajo tha që nuk di gjë të saktë, dy shkoj pas dy orësh, pasi ishte në Bogota. Nuk dimë hollësira. Vajti nusja pas dy orësh, po lidheshim me internet dhe i thamë na dërgo foto se nuk e besojmë. Na e dha lajmin. Njoftoi në Amerikë, pasi burri im ka vëllanë dhe familjen. Këtu do të shkoj vetë më tha, se e kemi më ltë lehtë, ne e kemi më të vështirë nga ekonomia dhe vizat", shprehet Zelina Lagjaj, njerka e shqiptarit të vrarë në Kolumbi.

Më tej ajo tregon se pasi ishte konfirmuar se trupi i pajetë i përkiste djalit të saj, autopsia kishte zbuluar se ishte ekzekutuar me dy plumba në kokë.

"Me plumb në kokë na tha e kanë qëlluar, hollësira ne nuk na thonë se prekemi. E pashë veta tha, rrini të qetë. Bënë ceremonitë mortore në një kishë dhe e varrosën, në datë 3 vdiq, në 5 prill u varros".

Zelina Lagjaj shprehet se nuk kishte dijeni që djali i saj të merrej me punë të pista, por se ai kishte një qendër internet dhe bënte një jetë modeste jo me pasuri të madhe. Për herë të fundit Adriatik Lagjaj ka qenë në Shqipëri në muajin shkurt të vitit të fundit dhe më pas ishte kthyer sërish në Kolumbi ku jetonte me dokumente të rregullta.

Ne nuk dimë asgjë, nuk na ka thënë njeri gjë, nuk është ankuar ndonjëherë për ndonjë konflikt, ishte vjet në shkurt, ndjeni 10 ditë dhe iku, nuk është i pasur, jetonte me këtë qendër interneti.

Kohët e fundit njerka e Adriatik Lagjajt rrëfen se nuk kanë pasur kontakte të shpeshta me të dhe për herë të fundit kanë folur në telefon para 6 muajsh. Me vëllain dhe motrën ai mbante kontakte thuajse të përditshme, por një muaj para se të vritej ai kishte shkëputur çdo kontakt dhe sipas njerkës, kjo për arsyen se ai lëvizte shpesh.

Ky nuk është rasti i parë i shqiptarëve të vrarë në amerikën latine. Edhe më herët ka pasur shqiptarë të ekzekutuar për shkak të prishjes së pazareve të drogës. Kujtojmë që trafiku i drogës nga grupet kolumbiane bëhet duke mbajtur një apo më shumë persona si garant deri sa droga të mbërrijë në destinacion.

Nuk dihet nëse edhe në këtë rast kemi të bëjmë me një vrasje për shkak të prishjes së pazareve të drogës apo një vrasje për ndonjë konflikt të Adriatik Lagjajt në Kolumbi. E vetmja lidhje e deritanishme është se 613 kg kokainë e ardhur nga Kolumbia u kapën në fund të shkurtit në Durrës ndërsa në të njëjtën kohë një shqiptar vritet në Bogota, aty ku flitet se ka bazën “Clan de Golfo”, karteli i skeduar si dërguesi i sasisë së kokainës.

/portali DurresLajm/

Na bëni like në facebook!: 

Lajme nga e njëjta kategori

Projekt-restaurimi i kishës së "Shën Luçisë" në Durrës, i është besuar arktitektit të njohur të qytetit, Indrit Hamiti.

Tre ditë më parë një argjendari në bulevardin kryesor të qytetit ra pre e grabitësve, fotoja e të cilëve është zbuluar, por ende të paide

Lidhur me vettingun në policinë e shtetit, zv.ministri i Brendshëm Julian Hodaj dha detaje të rëndësishme të procesit të cilit do t’i nën

Prokuroria e Tiranës ka nisur zyrtarisht hetimet për menaxherët shqiptarë të kompanisë “Gulf”, duke shpallur në kërkim policor menaxherin

Duket se nuk ka lajme të mira nga moti për ditën e nesërme.

Specialistët për Krimet në Komisariatin e Policisë Durrës kanë arrestuar në flagrancë një shtetas që vidhte kabinat e kompanive telefonik

Kryebashkiaku i Durrësit Vangjush Dako, ka publikuar në faqen e tij në “Facebook” lajmin e çmimit ndërkombëtar që fitoi projekti i “Sfink

KLSH kallëzon në prokurori ish-drejtorin, 2 përgjegjës sektori legalizimi, 3 ish-përgjegjës sektori legalizimi dhe 2 specialistë të drejt

Një drejtues mjeti që lëvizte me shpejtësi gati 100 km/h në Rrugën e Kavajës në kryeqytet mbrëmjen e djeshme, është ndaluar nga policia.

Vijon dominimi i kthjellime në Veri dhe zonat Qendrore, por vranësira kalimtare do të ketë ekstremi Jugor i vendit.