Operatori i Shpërndarjes së Energjisë Elektrike (OSHEE) ka njoftuar se gjatë ditës së sotme do ketë kufizime të energjisë në disa zona të Tiranës si pasojë e punimeve në rrjet. Sipas OSHEE-së, nga ora 10:00 e paradites deri në orën 13:00 do ketë kufizime në disa zona.
Njoftimi i OSHEE-së:
Sot më 26 prill do të kryhen punime të planifikuara për vendosjen e rrjetit të ri 20kV në disa zona te Tiranës. Për pasojë jemi të detyruar të stakojmë energjinë si masë sigurie për të punuar.
Ora 10:00-13:00 do te punohet në fiderin E1 dhe zonat pa energji elektrike mbeten pjesërisht Sauku i Ri dhe Mjull Bathore. Ora 10:00-14:00 do të punohet në kabinën “A.Moisiu” dhe zonat pa emergji janë: rrugët “Hysen Gjura” dhe “Kahreman Ylli”.
