Të shumtë jane turistët që kanë interes të njihen me historinë dhe të shkuarën e lavdishme të Durrësit, si një qytet me trashëgimi kulturore mijëra vjeçare.
Një turist nga Çekia, i cili përveç bregdetit shijon edhe turizmin kulturor e arkeologjik, ka zgjedhur të vizitojë Muzeun Arkeologjik të Durrësit. Ndër të tjera ai thotë:
“Eshte nje mjedis i mrekullueshëm që shpalos historinë e Shqipërisë. Ne vijmë për herë të parë dhe me siguri do ta rekomandojmë këtë vend tek te njohurit tanë në Çeki. Po kalojmë shumë mirë në Durrës dhe po ashtu edhe tek hoteli ku jemi vendosur.
Një tjetër turist, këtë herë nga Polonia shprehet shumë i kënaqur me atë që ofron turizmi kulturor në Durrës.
“Është një pjesë historike mjaft e mirë dhe çdo vizitor që vjen në Shqipëri besoj se duhet ta shohë këtë gjë. Unë kisha gjetur informacione në internet para se te vija dhe tani po e shohim bashkë me djalin tim. Kam parë më parë muzeume të ngjashme në vende të tjera dhe këtu ne pamë me shumë kuriozitet objekte të vjetra që lidhen me armët e vjetra, pas të cilave është i apasionuar djali im, monedha të vjetra dhe zbukurime të tjera”.
Nga një vëzhgim i DurrësLajm, Muzeu Arkeologjik rezultoi në 7 muajt e parë të këtij viti më I vizituari ndër të gjitha sitet e trashëgimisë kulturore në qytetin bregdetar.
K.H.
