Zhdukja e mistershme e avokatit, çfarë gjeti policia e Durrësit në traget

Postuar: 14/11/2017 - 14:12

Sendet personale u gjetën në traget, mungonte pasaporta shqiptare e avokatit. 

Çanta e avokatit Besnik Muçi 52 vjeç me sendet personale, një kartë qëndrimi italiane, dhe xhupi janë sekuestruar si prova materiale nga policia e Durrësit në tragetin “Adria”. 

Nga këqyrja e sendeve personale ka rezultuar se ato i përkisnin shtetasit shqiptar me nënshtetësi italiane Besnik Muçi.

Burimet nga policia kanë bërë me dije për “DurrësLajm”, se sendet personale i janë dërguar prokurorisë italiane pas kallëzimit që ka bërë atje bashkëshortja e avokatit të zhdukur prej datës 2 nëntor në portin e Durrësit.

Të njëjtat burime kanë saktësuar se pas denoncimit të vëllait të personit të zhdukur Viktor Muçit, nisën hetimet nga policia e Durrësit, dhe pritet të sekuestrohen pamjet filmike të portit të Durrësit, nga të cilat pritet që të vërehet fakti se me kë ka hipur në traget mbrëmjen e 2 nëntorit  avokati i zhdukur pa gjurmë.

Analizimi i pamjeve filmike të portit të Durrësit, të pamjeve filmike të brendshme të tragetit por edhe të pamjeve të portit të Barit, pritet të hedhin dritë mbi zhdukjen e avokatit.

Meqenëse trageti kishte destinacion Italinë, dhe avokati ishte nisur drejt Italisë, hetimet zhvillohen  nga pala italiane. Avokati mund të jetë hedhur në det në ujërat ndërkombëtare apo italiane. Askush nuk e di, për aq kohë sa kamerat brenda tragetit do të tregojnë se deri në çfarë ore ka qëndruar në sallën e pritjes e të qëndrimit avokati.

Pamjet brenda tragetit sekuestrohen nga pala italiane, së bashku me pamjet e portit të Barit, ndërsa pamjet në portin e Durrësit në terminalin e tragetit aty ku avokati ka hyrë, ka bërë chek-in, ka qëndruar e më pas është drejtuar në target, me kë ka biseduar etj. analizohen nga policia e Durrësit.  

K.H.

/portali DurresLajm/

Na bëni like në facebook!: 

Lajme nga e njëjta kategori

   Nesër nisin në orën 15:00 seancat dëgjimore me 7 kandidatët që kanë depozituar dosjet për kryeprokuror të përgjithshëm të përkohshëm.

   Pak minuta nga përfundimi i orarit zyrtar të vendosur nga Kuvendi për pranimin e emrave për kryeprokuror të ri, është zyrtarizuar edhe

   Pas publikimit të dosjes së Katanias, 416 faqe të saj, ku përmendet emri i ish-ministrit Tahiri, nesër dalin prova të reja.

Durrësi ka veshur më në fund petkun e bukur të festave!

Një studim i fundit i shoqatës Albanian Food Industry nxori në pah se produktet që konsumojmë çdo ditë në tryezat tona, në një pjesë të m

Almir Llupo ose ndryshe edhe njihet me emrin Eduart Stamolliu, është burri i cili ndërroi jetë rreth mesnatës pasi u ekzekutua me çifte n

Shkatërrohet një bandë trafikantësh shqiptarë që vepronte në veri të Italisë, me degëzime internacionale që trafikonin sasi droge nga Shq

Gjykata e Krimeve të Rënda ka bllokuar pasaportën e ish-ministrit të Brendshëm, Saimir Tahiri, në vijim të hetimeve për dosjen "Sota", du

Zgjedhja e Prokurorit të Përgjithshëm, tashmë është kthyer tema kryesore e tryezës politike.

Ujësjellës Kanalizime Durrës në kuadër të fushatës së verifikimit të gjendjes së abonentëve ka kryer kontrollin e bizneseve që shtrihen p