Kina dhe Rusia në luftë tregtare me SHBA-të

Postuar: 16/04/2018 - 22:42

   Kina dhe Rusia po sfidojnë influencën tregtare të Shteteve të Bashkuara. Presidenti Donald Trump ka akuzuar dy vendet për lojëra financiare me qëllim dobësimin e pozitave të Amerikës.

Presidenti amerikan Donald Trump ka akuzuar Rusinë dhe Kinën se po bëjnë lojëra financiare me qëllim dobësimin e valutës amerikane.

Sipas Trump, dy vendet po e bëjnë këtë gjë duke zhvlerësuar valutat përkatëse, në një kohë kur normat e interesit në Shtetet e Bashkuara po ngrihen.

“Rusia dhe Kina po bëjnë lojëra valutash në një kohë kur Amerika po i mban të ngritura normat e interesit. Kjo është e papranueshme!”, ka thënë Trump në Twitter.

Postimi i kreut të shtetit i referohet atyre që ai i konsideron praktika tregtare të zhdrejta. Kjo, pasi nëse valuta e një vendi ulet në mënyrë artificiale, atëherë eksportet e tij bëhen më konkurruese në treg.

Ndërsa normat e larta të interesit në Shtetet e Bashkuara në përgjithësi rrisin vlerën e dollarit, duke i bërë eksportet amerikane më të shtrenjta.

Që kur Trump mori detyrën në janar të vitit 2017, dollari amerikan është dobësuar kundrejt shumë valutave të tjera, përfshirë jenin kinez dhe rublën ruse.

Kundrejt jenit, dollari ka rënë me 8.6 për qind që prej 20 janarit 2017; ndërsa përballë rublës me 4.5 për qind. Por me vendosjen e sanksioneve më herët gjatë muajit, dollari ra më tej në 4 për qind ndaj monedhës ruse.

/portali DurresLajm/

Na bëni like në facebook!: 

Lajme nga e njëjta kategori

   Qindra persona kanë humbur jetën në Pakistan, si pasojë e valës së të nxehtit që ka përfshirë vendin.

   Avokati personal i Donald Trump, Michael Cohen, është paguar në mënyrë të fshehtë me 400.000 dollarë për të rregulluar një takim mes P

   Katër raketa balistike janë lëshuar nga Rusia në Detin e Bardhë, duke qenë rasti i parë që prej Luftës së Ftohtë, që katër raketa lësh

Dora e djathtë e një djali të vogël mbeti e bllokuar në një shkallë lëvizëse ndërsa po luante vetëm në një qendër tregtare në jug-perëndi

Në vitin 1697, Parlamenti Britanik kishte caktuar 1.2 milionë sterlina në vit për familjen mbretërore, si fond në kohë paqeje, me të cila

   Në ceremoninë e betimit të 61-vjeçares Haspel, që u mbajt në selinë qendrore të CIA-s në dalje të Uashingtonit, mori pjesë edhe Presid

   Pas 80 ditë bisedimesh, Lëvizja 5 Yjet dhe Lidhja e ekstremit të djathtë i kanë paraqitur Presidentit të Italisë emrin e Giuseppe Cont

   Një gjykatë turke në Izmir dënoi 104 persona me burg të përjetshëm, për shkak të pjesëmarrjes në grusht-shtetin e dështuar të vitit 20

106 kapsula kokaine janë nxjerrë nga stomaku i një 25-vjeçareje në Dehli.