Mbi 210 të vdekur nga bombardimet në rrethinat e Damaskut

Postuar: 20/02/2018 - 22:33

   Në Guta të Sirisë vazhdojnë bombardimet e trupave pro-regjimit, të cilat vetëm këtë të martë u kanë marrë jetën mbi 60 personave, duke e çuar në 210 bilancin e viktimave të aksionit që prej ditës së diele.

Trupat pro-qeveritare kanë vijuar sulmet në Guta, një zonë periferike në rrethinat e Damaskut, duke vrarë vetëm këtë të martë 66 persona. Masakra ka shkaktuar indinjatë ndërkombëtare, nisur nga fakti se që prej së dielës sulmet ajrore dhe me raketa u kanë marrë jetën mbi 210 vetëve, kryesisht të rinj dhe fëmijë.

Lajmin e ka konfirmuar Observatori Sirian për të Drejtat e Njeriut, ndërkohë që nga ushtria siriane nuk ka pasur asnjë reagim, përveç deklaratës së mëhershme se në shënjestër janë vënë vetëm rebelët. Aktet e fundit të dhunës në zonën periferike të kryeqytetit sirian janë pjesë e një operacioni masiv të regjimit të presidentit Bashar al Assad, i fokusuar në disa zona të vendit për t’i dhënë fund rebelimit 7-vjeçar ndaj tij.

Panos Moumtzis, koordinatori i OKB-së për çështjet humanitare në Siri, dënoi bombardimin e 5 spitaleve dhe paralajmëroi se sulmet e qëllimshme ndaj godinave mjekësore mund të përbëjnë krime lufte. Ndërsa qeveria franceze e cilësoi aksionin një shkelje serioze të ligjit ndërkombëtar për të drejtat e njeriut.

Në Bruksel, lideri i opozitës siriane Nasr al Hariri i tha përfaqësuesve të vendeve të BE-së se intensifikimi i sulmeve përbënte një krim lufte dhe kërkoi ushtrimin e një presioni më të madh ndaj Assad. Ndërkohë, në Gjenevë, agjencia e OKB-së për fëmijët shprehu indinjatën e saj për vrasjen e të miturve, duke deklaruar se ngjarja e ka lënë pa fjalë.

/portali DurresLajm/

Na bëni like në facebook!: 

Lajme nga e njëjta kategori

   Shtetet e Bashkuara i bënë thirrje Rusisë që të lirojë dhjetëra njerëz, të cilët nga grupet e të drejtave të njeriut janë identifikuar

Një tërmet i fuqishëm ka goditur mëngjesin e sotëm Osakan në Japoni, ku ka lënë të paktën tre të vdekur, duke përfshirë një fëmijë, dhe m

Një furgon goditi katër persona në një koncert holandez në orët e para të së hënës duke vrarë një person dhe plagosur tre të tjerë, disa

Kancelarja Merkel po kërkon që çështja e refugjatëve të zgjidhet në marrëveshje me vendet e tjera.

Një tjetër akt terrorist është regjistruar në Francë, ku një grua ka plagosur me thikë dy persona në një supermarket, në qytetin francez

Një automjet është përplasur me një turmë njerëzish në një nga rrugët e qytetit të Moskës.

   Kancelarja gjermane Angela Merkel deklaroi se emigrimi është një çështje që kërkon një zgjidhje evropiane, duke mos lëshuar terren për

   Pol Manafort, ish-menaxheri i fushatës së Donald Trump, përfundoi pas hekurave pasi një gjykatë në Uashington anuloi lirinë e tij me k

   Mbas muajit gusht refugjatët me status të pjesshëm mbrojteje dhe lejeqëndrimi të kufizuar do kenë mundësi të tërheqin anëtarë të tjerë