Pas funeralit të gruas, ish-Presidenti shtrohet me urgjencë në spital

Postuar: 24/04/2018 - 08:51

Ish-Presidenti i Shteteve të Bashkuara, George H.W. Bush, është shtruar në spital në Houston për shkak të një infeksioni, menjëherë pas funeralit të bashkëshortes së tij Barbara.

Zëdhënësi i ish-Presidentit, Jim McGrath, shkroi në rrjetet sociale se 93-vjeçari Bush po “u përgjigjet trajtimeve dhe duket se po shërohet”. Ai është pranuar të dielën në spitalin Methodist të Houstonit, pas një infeksioni që u përhap në gjak, tha McGrath.

Barbara Bush, u varros të shtunën në një ceremoni në të cilën morën pjesë i shoqi, dhe ish-Presidentët Bill Clinton, Barack Obama, George W. Bush dhe bashkëshortet e tyre si dhe zonja e parë e Shteteve të Bashkuara, Melania Trump.

Bushi plak, përdor një karrocë dhe një skuter elektrik për të lëvizur për shkak të sëmundjes së Parkinsonit dhe i është nënshtruar trajtimit në spital disa herë gjatë viteve të fundit për shkak të problemeve me frymëmarrjen.

George Herbert Walker Bush, shërbeu si Presidenti i 41-të i Shteteve të Bashkuara nga viti 1989 deri në vitin 1993.

I lindur më 12 qershor të vitit 1924, në Milton të Massachusettsit, ai shërbeu edhe si ligjvënës, drejtor i CIA-s dhe nënPresident i Ronald Reaganit. /VOA

/portali DurresLajm/

Na bëni like në facebook!: 

Lajme nga e njëjta kategori

   Zonja e Parë e Shteteve të Bashkuara, Melania Trump është kthyer në Shtëpinë e Bardhë pasi i është nënshtruar një operacioni këtë javë

   Presidenti rus Vladimir Putin mirëpriti kancelaren gjermane dy ditë më parë, me një buqetë me lule, në rezidencën e tij të pushimeve,

17-vjeçari që shkaktoi sulmin në shkollën e "Santa Fe", në shtetin amerikan të Teksasit la 10 të vrarë dhe 12 të plagosur.

   Një zyrtar i paidentifikuar ushtarak kuban ka thënë se tre persona kanë mbijetuar nga rrëzimi i aeroplanit.

   Presidenti turk, Recep Tayyip Erdogan i bëri thirrje këtë të premte botës arabe të mbështesin palestinezët kundër asaj që ai e quajti

   Një aeroplan kuban “Boeing 737”, i marr5 me qira nga kompania ajrore italiane "Blue Panorama" u rrëzua menjëherë pas ngritjes nga aero

   Të paktën 8 studentë janë vrarë mëngjesin e së premtes në një tjetër masakër me armë në një shkollë amerikane, atë “Santa Fe” në Teksa

Një person ka humbur jetën pasi i shpërtheu cigarja e tij elektronike, sipas raportit të autopsisë.

Presidenti turk, Erdogan shigjeton tregjet financiare, agjencitë e vlerësimit dhe Bankën Qendrore të vendit.