Sulmet e 13 nëntorit, Franca përkujton viktimat

Postuar: 13/11/2017 - 20:05

   Franca shënoi dyvjetorin e sulmeve të Parisit, që morën 130 jetë njerëzish në kafenenë, stadiumin “Stade de France” dhe sallën e koncerteve “Bataclan”. Plot 89 prej viktimave u shënuan në këtë të fundit, pjesa dërrmuese e të cilëve ishin të rinj.

Sulmet më vdekjeprurëse të Francës që prej Luftës së Dytë Botërore e sollën hijen e terrorit më pranë se kurrë, por nuk arritën ta mbillnin për një kohë të gjatë frikën e pasigurisë për të nesërmen në zemrën e banorëve të kësaj demokracie të vjetër europiane.

Ceremoninë përkujtimore e drejtoi presidenti Emmanuel Macron.

Shefi i Elizesë shkëmbeu edhe një përqafim me Jessie Hughes, udhëheqësin e grupit muzikor nga Kalifornia “Eagles of Death Metal”, që ishte duke performuar atë natë të kobshme në sallën e mbushur plot me të apasionuar pas muzikës së tyre, që të gjithë të pavetëdijshëm për gjëmën që do të mbërrinte.

“Zemra ime është këtu, e adhuroj këtë vend. Populli francez ishte ai që na e bëri të mundur rikthimin në jetë”, i tha Hughes presidentit të Francës.

Rreth 30 myslimanë francezë e belgë u mblodhën përpara murit të paqes në Paris, për të treguar mbështetjen e tyre ndaj viktimave të sulmeve xhihadiste. 13 nëntorin e vitit 2015, militantët e ISIS-it vranë dhjetëra vetë në goditjet e koordinuara, që synonin të merrnin sa më shumë jetë e të mbillnin terrorin në zemrën e kryeqytetit francez, por edhe atë të vet kontinentit të vjetër.

Që prej atëherë, Franca ka shtrënguar legjislacionin e saj me miratimin së fundi të një ligji që i jep policisë fuqi shtesë mbi bastisjen e pronave, përgjimeve elektronike dhe mbylljen e xhamive apo objekteve të tjera, nën dyshimin e predikimit të gjuhës së urrejtjes. Ligji në fjalë i dha fund edhe gjendjes së tejzgjatur të emegjencës në vend.

/portali DurresLajm/

Na bëni like në facebook!: 

Lajme nga e njëjta kategori

   Policia indoneziane ka arrestuar kapitenin e tragetit që u mbyt të hënë në liqenin Toba në ishullin Sumatra të Indonezisë, duke lënë t

Të gjitha zgjedhjet që janë zhvilluar 16 vjetët e fundit në Turqi i ka fituar Recep Tayyip Erdogan.

   Numri i sulmeve xhihadiste u dyfishua në Europë në vitin 2017, deklaroi sot agjencia e policisë « Europol », duke paralajmëruar për nd

   Presidenti amerikan, Donald Trump, premtoi të marrë masa kundër ndarjes së fëmijëve nga prindërit emigrantë, të kapur në kufi.

   Shtetet e Bashkuara janë tërhequr nga Këshilli i të Drejtave të Njeriut në OKB, duke e quajtur atë “një pusetë anësish politike”.

Parlamenti i Kanadasë ka miratuar një ligj që legalizon përdorimin e marijuanës në mbarë vendin. Dekreti mbi kanabisin kaloi pengesën e t

   Zërat dhe fytyrat e fëmijëve nga Amerika Qendrore të ndarë nga prindërit e tyre në kufirin mes Shteteve të Bashkuara dhe Meksikës, jan

   Presidenti francez dhe kancelarja gjermane njoftuan sot se po punojnë për një marrëveshje mes disa shteteve të hapësirës Schengen për

Një ish-punonjës i operacioneve të spiunazhit kibernetik të CIA-së u shpall fajtor për transferimin tek Wikileaks të mjeteve të pirateris

“Shtetet e Bashkuara nuk do të jenë një kamp emigrantësh dhe nuk do të jetë një strukturë e mbajtjes së refugjatëve.