Euro në pikiatë në tregun vendas; A po ndikon politika e deuroizimit të BSH-së?

Postuar: 13/02/2018 - 11:34

Monedha e përbashkët europiane ka vijuar të nënçmohet edhe sot në tregun vendas. Sipas kursit zyrtar të Bankës së Shqipërisë, një euro këmbehet sot me 133.01 lekë, duke arritur në nivelin më të ulët që nga fundi i vitit të kaluar.

Euro ra sot në tregun vendas për nëntën ditë radhazi, duke shënuar periudhën më të gjatë në zhvlerësim që prej qershorit 2017, kur monedha e përbashkët u nënçmua ndjeshëm në periudhën përpara zgjedhjeve të përgjithshme.
Teksa euro në bursa mbetet e fortë, duke u rritur sot lehtë për t’u këmbyer me 1.22 dollarë, faktorët që po ndikojnë në dobësimin e saj tek ne mbeten të brendshëm.

Ekspertët e argumentojnë rënien e euros me qarkullimin e ulët të lekut në ekonomi, duke thënë se shkurti ka shënuar minimumin vjetor të qarkullimit. Në kahun tjetër, oferta në euro vijon që të mbetet e lartë.

Një tjetër faktor që ka ndikuar në zhvlerësimin e euros në tregun vendas janë deklaratat e Bankës së Shqipërisë ndaj masave që do të marrë për de-euroizimin e ekonomisë. Sipas ekspertëve kjo mund të ketë pasur efekt psikologjik, pasi mbetet e paqartë se çfarë do të ndodhë. Banka e Shqipërisë ka bërë publike së fundmi disa masa që tentojnë të ulin përdorimin e euros në ekonomi, duke e bërë monedhën e përbashkët më të shtrenjtë në raport me përdorimin e lekut {psh, përcaktohet rritja e normës së rezervës së detyrueshme për detyrimet në valutë në nivelin 12.5% (ishte 10%), dhe ulja e saj për detyrimet në lekë në nivelin 7.5% (ishte 10%).}

Një efekt i parë, sipas konstatimeve të ekspertëve, është kryerja e transaskioneve të shit-blerjeve mes bizneseve në lekë, duke ulur automatikisht kërkesën për euro në vend.

Aktorët e tregut valutor presin që euro të bjerë edhe më tej në muajt në vijim. Referuar të dhënave historike të ecurisë së kursit të këmbimit, ata shtojnë se gjatë tre muajve të parë të vitit monedha e përbashkët kap nivelin më të lartë të këmbimit ndaj lekut. Prandaj raporti i këmbimit euro-lek bazuar tek trendi historik mund të jetë poshtë nivelit të 133 lekëve.
Për sa i përket monedhës së gjelbër, ka vijuar nënçmimi në vend, në mënyrë që të ruhen raportet e këmbimit në tregjet ndërkombëtare. Sot dollari këmbehet me 108.4 lekë sipas kursit zyrtar të Bankës së Shqipërisë. Euro dhe paundi britanik kanë fituar pikë përkundrejt dollarit në tregjet ndërkombëtare. /Monitor/

/portali DurresLajm/

Na bëni like në facebook!: 

Lajme nga e njëjta kategori

Nëse ke vendosur të blesh një shtëpi që kushton 75 mijë euro dhe banka të financon deri në 70% të shumës, pra 52,500 euro, dilema e shumë

Monedha e përbashkët ka shënuar një tjetër rënie të fortë gjatë ditës së sotme në tregun vendas, duke arritur në nivelin më të ulët që ng

Gjatë janarit dhe shkurtit bankat e nivelit të dytë kanë afishuar në vende të dukshme një tabelë ku sanksionohet një kufi i ri për sasinë

Drejtoria e Përgjithshme e Tatimeve publikoi një material ku sqarohen të ardhurat personale që tatohen dhe ato që nuk tatohen.

Tregtia është sektori nga sigurojnë fitimet pjesa më e madhe e njerëzve në vend.

Eksportet kanë shënuar një ecuri të mirë në muajin e parë të këtij viti, duke vijuar tendencën pozitive të shënuar edhe gjatë vitit të ka

Italia është partneri më i madh tregtar i Shqipërisë, me 57% të totalit të eksporteve dhe 28% të importeve, sipas të dhënave të INSTAT.

Dëgjojmë aq shumë për turizmin, rritjen e numrit të vizitorëve, kontributin në Prodhimin e Brendshëm Bruto por mbi të gjitha për lulëzimi

   Bashkia e Durrësit e pranon që viti 2018 nuk ka hyrë aq i mbarë sa pritej, as për biznesin e as për konsumatorin.