Euro në rritje drejt 128 lekëve, njerëzit po blejnë valutë; Vështirë të parashikohet tendenca

Postuar: 08/06/2018 - 11:51

   Eva H., ka një parukeri një qendër të Tiranës, qiranë e së cilës ajo duhet t’ia paguajë çdo gjashtë muaj pronarit në euro. Këtë mëngjes ajo po nxiton që të konvertojë lekët në euro. Duke qenë se ka dëgjuar se Banka e Shqipërisë do të ndërhyjë në tregun e këmbimit valutor, ajo kërkon të blejë euro përpara se të shtrenjtohet sërish.

Në pikat e këmbimit valutor në kryeqytet euro në shitje ka kapur nivelin e 128.2 lekëve, ndërsa në blerje 126.5 lekë. Për shkak të deklaratave të fundit, të cilat kanë shtuar pasigurinë dhe vështirësinë për të parashikuar tendencat, agjencitë kanë rritur diferencën midis çmimit të blerjes dhe të shitjes së monedhës së përbashkët.

Disa prej agjencive kryesore në vend, deklaruan për Monitor se ka pasur fluks të individëve që kanë dashur të blejnë euro. Për shkak se jemi përpara edhe sezonit turistik dhe një pjesë e individëve zgjedhin të pushojnë në destinacione jashtë, kanë nxituar për të blerë euro përpara se të shtrenjtohet.

Edhe Gerti M., po pret që të marrë shërbim në një nga agjencitë e këmbimit valutor në vend. Ai çdo muaj paguan këstet e kredisë në euro, sot ka vendosur të konvertojë nga lekë në euro dy këste kredie, për muajin korrik dhe gusht.

Aktorët kryesorë të tregut të kontaktuar për “Monitor” u shprehën se nuk mund të japin se si do të jetë tendenca e kursit të këmbimit. “Aktualisht po rikuperohen pikët e humbura nga zhvlerësimi i euros në tre javët e fundit (ajo që njihet si efekti sustë”- tha eksperti.

Ndërkohë që për rritjen në dy ditët e fundit, jep si arsye ndikimin psikologjik nga deklaratë e Bankës së Shqipërisë. Për sa i përket tendencës, ai thotë se nuk mund të bëjë asnjë parashikim për sa kohë nuk dihet sa është sasia që do të tërhiqet nga tregu dhe kohëzgjatja e kësaj ndërhyrje. Banka e Shqipërisë sipas tyre do të ndërhyjë deri sa të arrijë një çmim që ka vendosur si objektiv.

Dje euro u rrit me 0.83 pikë, duke u këmbyer në nivelin e 125.5 lekëve bazuar në kursin zyrtar të Bankës së Shqipërisë, duke shënuar nivelin më të lartë nga 1 qershori.

Një ditë më herët Guvernatori i Bankës së Shqipërisë, Gent Sejko deklaroi gjatë konferencës për shtyp se BSH do të hyjë në tregun valutor, duke blerë valutë, në një veprim të jashtëzakonshëm që synon që të ndalojë rënien e lirë të monedhës së përbashkët. /Monitor/

/portali DurresLajm/

Na bëni like në facebook!: 

Lajme nga e njëjta kategori

Për emigrantët ardhja për pushime në gusht në Shqipëri është kthyer në një kalvar të vërtetë pritjesh pa fund në aeroporte dhe çmimesh të

   Dollari amerikan arrin majat edhe në tregun vendas.

   Çmimet e apartamenteve në kryeqytet pësuan një rënie gjatë tremujorit të dytë me 2.5%.

   Rreth dy miliardë euro do të duhet të investojë Shqipëria në sektorin e energjisë elekterike për dekadën e ardhshme, dhe të gjitha kët

Kontrolli i faturave, tatimet do ndërtojnë sistem të ri për të ulur evazionin dhe gjurmuar pasuritë e tatimpaguesve, hapet te

Ashtu siç edhe paralajmëroi Guvernatori Gent Sejko më herët në konferencën për shtyp, Banka e Shqipërisë do të vazhdojë të blejë valutë n

Drejtoria e Përgjithshme e Tatimeve, në kuadër të planit të sezonit turistik 2018 që po zbaton aktualisht ka dhënë informacion lidhur me

Operatori i Shpërndarjes së Energjisë Elektrike (OSHEE) është kthyer tërësisht në duart e qeverisë shqiptare, pasi i është paguar edhe kë

Të gjittha valutat kryesore kanë shënuar rënie ditën e sotme, sipas kursit zyrtar të këmbimit të Bankës së Shqipërisë.

Në 6 muajt e parë të vitit, institucionet shtetërore dhe njësitë e qeverisjes lokale e qendrore kanë shkaktuar një dëm ekonomik prej mbi