Profesionet që do paguhen më shumë gjatë 2018-s në Shqipëri

Postuar: 02/01/2018 - 09:19

   Viti 2018 ka nisur me ambicie për këdo. Krahas shëndetit, që është parësor, një punë më e mirë dhe më shumë të ardhura janë natyrshëm në planet e gjithsecilit, që punon e jeton në Shqipëri. Një mision i vështirë, teksa konkurrenca mes bizneseve është rritur, tregjet janë drejt maturimit, konsumi është i dobët, çka ul fitimet e sipërmarrjeve dhe e bën më të vështirë që ata të rrisin pagat e punonjësve. Kjo po shtyn dhe shumë individë, që të largohen nga vendi, në kërkim të një jete më të mirë.

Por, ka pse të bëheni pesimistë . Nuk është asnjëherë vonë të specializoheni në drejtimet që ka më shumë kërkesë në treg. Ka disa profesione që janë të kërkuara dhe mund të pëfitoni paga të kënaqshme në 2018-n.

EPPC Albania&Kosovo, agjenci rekrutimi dhe trajnimi, pohon për “Monitor” se në vitin 2018, pritet të ketë një kërkesë më të madhe për pozicionet drejtuese, (Nivelet CEO-1 & CEO-2) dhe për ato pozicione që gjenerojnë shitje dhe biznes, për profilet më poshtë:

Shitje/Marketing;
Financë/Kontabilitet;
Specialistë informatike;
Inxhinier ndërtimi, mekanik, elektrik, informatikë;
Njohës të gjuhës gjermane/angleze dhe franceze.
Pagat në kategorinë e drejtuesve variojnë nga 150,000 – 400,000 Leke Neto.

Si ishte tregu i punës gjatë vitit 2017
EPPC vlerëson se tregu i punës në Shqipëri gjatë vitit 2017 vazhdoi konsolidimin e mëtejshëm e funksionimit të tij si treg, ku në njërën anë qëndron oferta për punë dhe në anën tjetër kërkesa. Edhe gjatë 2017 kërkesa për punë tejkalon ndjeshëm ofertën, gjë që është veçanërisht e theksuar tek të rinjtë dhe te forca punëtore e pakualifikuar. Në EPPC ky raport ka qenë shumë i zhdrejtë, pra kërkesa për punë e këtyre kategorive qe rreth 50-70 herë më e madhe sesa ofertat e punëdhënësve. E thënë ndryshe, për një pozicion si p.sh. sekretare ka rreth 50-70 kandidatë/e që aplikojnë. Ky raport ndryshon për pozicione më të kualifikuara dhe sa më të kualifikuara pozicionet aq më të pakta janë aplikimet, madje për pozicione të larta p.sh.

Niveli drejtorëve të departamenteve CEO-1, nuk ka aplikime të përshtatshme me kërkesat e vendit të punës. “E veçanta e këtij viti është që tashmë punësimi ka filluar të shihet si një proces i dyanshëm, dhe mentaliteti i vjetër i punëdhënësve “që të mbajnë me bukë” sa vjen dhe zbehet. Ky ndryshim vihet re në pozicionet drejtuese dhe në pozicionet e mesme, ndërkohë që jemi larg ndryshimit përsa i përket pozicioneve të ulta dhe bizneseve të vogla lokale që nuk përfaqësojnë vlera dhe nuk kanë vizion për të ardhmen”, thonë ekspertët e EPPC.

Viti 2017 kristalizoi me tej ndarjet e pozicioneve të punës në 3 kategori kryesore, ku secila kategori ka veçoritë e saj.

Kategoria e parë, janë pozicionet drejtuese;
Drejtues Shitjesh;
Drejtues Finance;
Drejtues Operacionesh (në industritë e shërbimeve);
Drejtues Prodhimi (me profil tekniko-industrialë);
Drejtues Burimesh Njerëzore;
Drejtues Informatike;
Drejtues Marketingu.
Kategoria e dytë, përbëhet nga specialistë të kualifikuar, si në

Financë-Kontabilitet/Administrim;
Shitës B2B (Senior) me profil teknik si informatikë, elektrik, mekanike, profile që ndihmojnë në shitjen e produkteve që lidhen me këto profile,
Specialist Marketingu; si edhe
Inxhinier Ndërtimi, Mekanik dhe Elektrik, etj.
Kategoria e tretë, janë punonjësit e pa kualifikuar, ose vendet e punës ku kërkohet pak kualifikim. Këto pozicione vazhdojnë të mos kenë ndryshim dhe punësimi i tyre bëhet kryesisht bazuar në kriterin e të qenit hallexhinj, ose nëpërmjet rrjetit shoqëror dhe familjar. Njëkohësisht kjo kategori nuk shihet si “punësim i dyanshëm”, paguhet pak, paga që ofrohet është e panegociueshme dhe nuk shoqërohet me rritje të herëpashershme (vjetore) dhe kryesisht nuk vlerësohen mjaftueshëm në çdo aspekt.

Përtej këtij kategorizimi, edhe gjatë 2017 mbetet i pandryshuar vlerësimi i punëmarrësve për punëdhënësit e huaj. Ndarja punëdhënës i huaj dhe punëdhënës vendas mbetet e pandryshuar, punëdhënësit e huaj janë më të preferuar për të gjithë kategoritë e punëmarrësve.

Profesionet që paguhen më shumë
Sipas EPPC, kategoria e parë, ajo e drejtuesve është kategoria që paguhet më shumë, ku gjatë vitit 2017, punëdhënësit janë të gatshëm që për drejtues të mirë (CEO-1/CEO-2), të mos kursehen, por të paguajnë rreth 20-30% më shumë për të patur në skuadër drejtues profesionistë, me përvojë dhe me vlera shoqërore aq të domosdoshme në kohët që jetojmë. Pagat në këtë kategori variojnë nga 150,000 – 400,000 Leke Neto.

Industritë që paguajnë më mirë janë:
Sektori Bankar/Financiar;
Mineralet, Nafta & Gazi;
Informatika (Zhvilluesit);
Farmaceutika/Kujdesi shëndetësor;
Shitja me Pakicë;
Distribucioni.
Kategoria e dytë, e specialistëve ka njohur një rritje prej rreth 10%-20% (duke marrë në konsideratë bazën e ulët) dhe kjo vetëm por ato pozicione që kërkojnë aftësi të veçanta, si p.sh. financier që njohin programe të caktuara, inxhinierë që kanë eksperiencë në projekte të veçanta, shitës ekzekutivë që njohin industrinë ku do të shesin, etj.

Kategoria e tretë ka mbetur e pa ndryshuar, me paga në nivele të njëjta me më parë në harkun 30.000-40,000 lekë neto./Monitor

/portali DurresLajm/

Na bëni like në facebook!: 

Lajme nga e njëjta kategori

   Euro ka vijuar rënien dhe gjatë ditës së sotme, duke vijuar të vendosë rekorde të reja të 10 viteve të fundit.

Më shumë se 30 për qind e makinave të regjistruara në vend mund të jenë potencial për të përfunduar tek grupi i automjeteve në fund të je

Rënia e monedhës së përbashkët nuk ka të ndalur.

Monedha e përbashkët e ka nisur javën me rënie, duke zbritur në 127.04 lekë, 0.13 lekë më pak se në fund të javës së kaluar, sipas kursit

Drejtori i Tatim Taksave në bashkinë e  Durrësit, Luan Dajko, sqaroi në një prononcim për DurrësLajm se tarifa e taksës së pronës do të m

Në katër muajt e parë të vitit përmbarimi ka ekzekutuar tërësisht të paktën 104 raste gjobash të vendosura ndaj zyrtarëve dhe për të cila

Monedha e përbashkët i është kthyer sërish rënies relativisht të fortë në tregun e brendshëm, pas një javë pozitive, duke sinjalizuar se

Të punësuarit shqiptarë deklarojnë se punojnë 48 orë në javë, sipas një sondazhi të fundit të Komisionit Europian, që ka matur cilësinë e

Monedha e përbashkët ka shënuar sot një rënie të lehtë në tregun e brendshëm valutor.

Shqipëria është vendi ku qytetarët e saj perceptojnë që kanë cilësinë më të ulët të jetesës në Europë, janë gjithashtu më të palumturit,