Red Bull çon betejën për “demin” kundër Fresh sh.p.k. në Gjykatën Administrative të Apelit

Postuar: 07/02/2018 - 11:07

Beteja për të drejtën mbi figurën e demit në ambalazhin e pijeve energjike ka përfunduar në Gjykatën Administrative të Apelit në Tiranë.

Kompania Red Bull GmbH, me seli qendrore në Austri, dhe që ushton aktivitet tregtar edhe në Shqipëri, ka kërkuar në gjykatë pavlefshmërinë e një vendimi të marrë nga Drejtoria e Përgjithshme e Patentave dhe Markave tashmë e njohur si (Drejtoria e Përgjithshme e Pronësisë Industriale) që i njihte një kompanie tjetër të drejtën e përdorimit të figurës së demit. Përveç DPPI, në çështje si e paditur rezulton edhe kompania Fresh sh.p.k  që ka të drejtën mbi figurën e demit në pijen e saj “Turbo Energy Drink”.

Përplasja mes RED Bull, DPPI dhe Fresh sh.p.k ka nisur prej kohësh dhe lidhet me një vendim të vitit 2010. Kjo është edhe arsyeja pse Red Bull ka kërkuar pavlefshmëri relative të një vendimi “për shkak se është marrë në zbatim të gabuar të ligjit material.”

Në objektin  e padisë është kërkuar ndryshimi i këtij vendimi, duke vendosur refuzimin e regjistrimit të aplikimit nr. Al/T/2009/326 që i përket markës së publikuar “Turbo Energy Drink”, (& figura e demit e vijëzuar me të kuqe). Pra e gjithë historia lidhet me faktin se të dyja kompanitë kanë në ambalazhin e pijeve të tyre figurën e demit.

Red Bull, nga ana e saj, ka pretenduar se të pasurit e së njëjtës figurë në ambalazh krijon konfuzion te konsumatorët dhe kjo rezulton edhe në humbje të të ardhurave. Pavarësisht këtij pretendimi duket se çështja që prej vitesh kalon nga njëra gjykatë në tjetrën nuk i ka dhënë të drejtë asaj.

Në vitin 2012, Gjykata e Apelit e Tiranës argumentoi se “është e vërtetë se të gjitha këto marka kanë të përbashkët figurën e Demit, por ndërsa në markat e palës paditëse figura e demit është në pozicion sulmi, në atë të markës së palës së paditur është në pozicion statik. Gjithashtu figura e demit në markën e kundërshtuar është dukshëm më e vogël sesa fjala Turbo e cila nuk ndodhet në markat e kundërshtuesit.

Po kështu, në markën e kundërshtuar, element dallues dhe shumë i dallueshëm  i cili nuk ndodhet në markat e palës paditëse është fjala “TURBO..”

Çështja në Gjykatën Administrative të Apelit është regjistruar në datën 30 janar dhe pritet që në vijim të hyjë në axhendën e çështjeve për shqyrtim. /Monitor/

/portali DurresLajm/

Na bëni like në facebook!: 

Lajme nga e njëjta kategori

Euro e ka nisur këtë javë duke u nënçmuar në raportet e këmbimit me lekun.

Drejtoria Rajonale Tatimore Tiranë organizoi më datë 13 qershor, në kuadër të zbatimit të planit të veprimit për sezonin, një takim me op

Kursi i kembimit duket se është stabilizuar gjatë ditës së sotme, pas luhatjve te forta në tregun vendas.

Sot në orën 17:00 do të nisë ndeshja e parë e Kampionatit Botëror të Futbollit 2018 dhe janë pikërisht, të zotët e shtëpisë, Rusët që do

Drejtoria e Përgjithshme të Tatimeve ka njoftuar të gjithë individët që shfrytëzojnë shtëpitë apo apartamente për t’i dhënë me qira, të d

Monedha e përbashkët ka shënuar sërish rënie në tregun e brendshëm gjatë ditës së sotme, për të dytën ditë radhazi, duke arritur në 126.1

Monedha e përbashkët europiane ka pësuar një zhvlerësim të fortë sot ndaj lekut vendas.

Shqiptarët që punojnë jashtë vendit po sjellin sërish më shumë para për të afërmit e tyre.

Monedha e përbashkët e ka nisur këtë javë me rritje në tregun e brendshëm të këmbimeve valutore.