Rooney mer ultimatum të tërbuar nga e shoqja: “Lër futbollin, shpëto familjen!”

Postuar: 12/09/2017 - 16:29

Janë kohë të vështira për Wayne Rooney.

Fabula e tij e nisur këtë verë, me rikthimin romantic te Everton, vijoi me golin kundër Manchester City, tashmë është shndërruar në një makth. Gjithçka nisi me arrestimin e sulmuesit teksa drejtonte makinën e tij në gjendje të dehur.

Koeman, gati gati e përjashtoi. Trajneri ndjehet i zhgënjyer nga sjellja e veteranit. Por, problemet për anglezin nuk janë vetëm në fushën e blertë. Ato më seriozet për tu përballur janë të izoluar brenda mureve të shtëpisë.

Bashkëshortja e tij, Coleen, gruaja që i ka qëndruar gjithmonë pranë, ka ezauruar të gjithë durimin e saj. Sipas tabloideve britanikë, duket se ka mbërritur momentin i ultimatumit nga ana e zonjës, Rooney. Wayne duhet të lërë futbollin për të shpëtuar martesën. Sulmuesi, së shpejti do të bëhet baba për të katërtën herë. Mbase ka ardhur vërtetë momenti për të vënë kokën në vend.

Historia mes Wayne Rooney dhe Coleen ka lindur në bankat e shkollës. Më pas martesa në vitin 2008, në Portofino, si kurorëzim dhe fillim i një aventure të re. Mbërrijnë tre meshkujt e shtëpisë: Kai, Klay dhe Kit. Ndërkohë, ndonjë tradhëti e vogël e futbollistit, gjithmonë e falur nga e shoqja. Si ajo e bujshmja e vitit 2010, kur ajo ishte shtatzënë, ndërsa ish-kapiteni i Anglisë gjendej me eskortë prej 1200 sterlina në natë.

Të dy rifillojnë gjithçka, asnjë skandal nuk ftoh raportin e tyre. Por, tashmë durimi ka arritur në kufi. Coleen është sërish shtatzënë, pak muaj më parë bekonte ardhjen e fëmijës së katërt me një postim në rrjetet sociale. Por momenti i bukur u ndërpre nga arrestimi për drejtim të mjetit në gjendje të dehur, nga ana e Rooney.

Por jo vetëm, në makinë me atë gjendej një femër, Laura Simpson, ndërkohë që pjesa tjetër e familjes bënte plazh në Maiorca. E zjarrta Simpson, vetëm pak ditë më vonë ka pranuar pa asnjë ndrojtje për “Daily Star”: “Pati puthje dhe përkëdhelje!”.

Gjithçka është pasuar me tabloidet që shfrenohen fare. Coleen është konstatuar në xhiro pa unazën e martesës. Ajo është shumë besimtare, vjen nga një familje fondamentaliste katolike, me fjalën “divorc” që e ka mbajtur gjithmonë larg saj dhe familjes së saj të re.

Por, jo më tani. Ultimatumi për të shoqin ishte i nevojshëm: “Lëre futbollin dhe mendo për familjen dhe marrëdhënien tonë”. Mbase, një zgjidhje jo përfundimtare.

Ditë të trazuara për Wayne Rooney, që duhet të shpëtojë njëherësh martesën dhe karrierën. Ndërkohë, më datë 18 shtator do të duhet të jetë përballë gjykatës së Stockport për tu mbrojtur.

/portali DurresLajm/

Na bëni like në facebook!: 

Lajme nga e njëjta kategori

Këngëtarja e njohur shqiptare, Dua Lipa do të zhvillojë një koncert në Prishtinë në 10 gusht të këtij viti, ndërsa janë publikuar edhe çm

Shpesh herë Luana Vjollca bie pre e faqeve te meme-ve ne Instagram, por në të shumtat e rasteve ajo qëndron mospërfillëse.

Mbrojtësi i Kombëtares Shqiptare, Andi Lila, do të bëhet baba për herë të dytë.

Kohët e fundit lidhja e reperit Majk dhe bloggeres Melita Nushi është kthyer në qendër të mediave rozë.

Loja me marshmallow ka qenë një nga lojërat që të ftuarit e “Xing me Ermalin” kanë zhvilluar në Prezë.

Lajmi për arrestimin e koreografit të tv Klan, Albi Nako pak ditë më parë bëri bujë në rrjetet sociale.

“Vipat e bllokut” publikon çdo ditë foto të personazheve të njohur se si kanë qenë dhe si janë transformuar pas operacioneve plastike.

Përpara pak kohësh u përfol se prezantuesja Jonida Shehu do të fillonte një punë të re në televizionin “Klan Plus”, por më pas këto fjalë

   Këngëtares me origjinë shqiptare Bebe Rexha i është kushtuar një artikull prej një ndër mediave më prestigjioze botërore si BBC.

   Lëvizjet e personazheve të ekranit nëpër televizione kanë qenë në qendër të vëmendjes kohët e fundit në mediat online.