187 vite burgim për kosovarët që kanë luftuar në Siri dhe Irak

Postuar: 10/01/2018 - 16:46

Shteti i Kosovës zë vendin e parë në Ballkan sa u përket dënimeve që ka shqiptuar për personat që kanë marrë pjesë në luftërat e huaja, përkatësisht në Siri e Irak.

Totali i viteve të vuajtjes së dënimit për kosovarët që kanë marrë pjesë në këto luftëra është 187 vjet, pastaj vijnë Shqipëria që ka shqiptuar 126 vjet burgim, Bosnja dhe Hercegovina 40 dhe Maqedonia 33 vjet burgim. Këto dënime përfshijnë periudhën për vitet 2015-2017.

Të dhënat janë publikuar nga Këshilli për Bashkëpunim Rajonal që merret me bashkëpunimin e vendeve të Evropës Lindore që synojnë të anëtarësohet në Bashkimin Evropian.

Sipas të gjeturave të këtij raporti, viti 2012, që shënon edhe fluksin e madh të qytetarëve të Ballkanit Perëndimor drejtë Sirisë e Irakut, i ka gjetur të papërgatitur institucionet shtetërore.

Raporti tregon se si Kosova, Shqipëria, Maqedonia dhe Bosnja e Hercegovina, u përballen me sfida të mëdha në luftimin e terrorizmit dhe ekstremizmit të dhunshëm, që ka shtyrë këto shtete të krijojnë strategjitë shtetërore për luftimin e kësaj dukurie.

Po ashtu në raport thuhet se nga viti 2012 deri në vitin 2017, nga rajoni i Ballkanit Perëndimor, drejtë Sirisë e Irakut, kanë udhëtuar mbi 1000 persona.

Ky numër përfshin individë që mendohet se kanë shkuar të jetojnë në ato vende. Shumë prej tyre janë kthyer në shtëpi, por një numër i madh janë vrarë në zonat e luftës në Siri apo Irak.

Në mesin e personave që kanë shkuar atje ka edhe shumë gra, fëmijë dhe të moshuar. Viti 2015 ka shënuar ngadalësimin e numrit të qytetarëve nga Ballkani Perëndimor që kanë shkuar në Siri e Irak.

Kjo rrugë u ndalua plotësisht në fillim të vitit 2016. Ata që kanë mbetur atje e kanë të vështirë të kthehen në shtëpitë e tyre, thuhet në raport. Deri më tani nga zonat e luftës në Siri e Irak, janë thyer mbi 130 qytetarë të Kosovës, derisa atje vazhdojnë të jenë edhe dhjetëra të tjerë. /REL

/portali DurresLajm/

Na bëni like në facebook!: 

Lajme nga e njëjta kategori

Departamenti amerikan i shtetit thotë se problemet kryesore të të drejtave të njeriut në Kosovë gjatë vitit 2017 ishin sulmet ndaj gazeta

   Dy fëmijë shqiptarë që jetojnë në Gjermani rezultojnë të zhdukur dhe policia është vënë në kërkim të tyre.

Njëri ndër radarët e Aeroportit të Prishtinës është rregulluar për vetëm 80 euro, duke i shpëtuar kështu rreth 8 milionë euro aeroportit.

Transparenca rreth burimeve dhe shpenzimeve financiare të partive politike në Kosovë, vazhdon të mbetet kërkesë e Komisionit Evropian, e

   Më shumë se 80 deputetë të Kuvendit të Kosovës besohet se posedojnë armë.

EULEX ka ngritur aktakuzë ndaj gjashtë personave që dyshohen se kanë ushtruar ndikimin e tyre që në këmbim të pagesave deri në 1 mijë eur

Është e pabesueshme se me çfarë fjalori flasin deputetët e Kuvendit të Kosovës, dhe kryesisht kryetari Kadri Veseli.

Kryeministri i Kosovës, Ramush Haradinaj, në një intervistë për televizionin serb “Happy”, citohet të ketë thënë se politika e jashtme e

   E njohur pak në vendlindje, Valentina Tufina kishte pushtuar botën me kokainën që e testonte në laboratorin e saj në Shqipëri dhe e nj

Ishte marsi i vitit 1999, periudhë kjo e cila për popullin e Kosovës ishte tejet e rëndë.