Albin Kurti, i vetëm në garën për kreun e Vetëvendosjes

Postuar: 11/01/2018 - 18:55

   Albin Kurti është i vetëm në garën për kryetarin e Vetëvendosjes.

Në fundin e një procesi parazgjedhor të pllakosur nga mosmarrëveshje, përplasje e dorëheqje, themeluesi i kësaj lëvizjeje e kërkon sërish drejtimin e saj dhe në zgjedhjet e parashikuara të mbahen në muajin shkurt, nuk do të ketë përballë asnjë kundërshtar.

Afati i paraqitjes së kandidaturave skadoi mesnatën e së mërkurës e nuk ka të dhëna për ndonjë tentativë tjetër për të rivalizuar Kurtin në këtë garë. Timonin e Vetëvendosjes ai e la përpara tre vjetësh. Përgjatë kësaj periudhe kohe, kryesimi i partisë iu besua Visar Ymerit të dorëhequr vetëm pak ditë më parë.

Kurti ishte në paraburgim në kohën kur diskutoheshin zgjedhjet për drejtimin e partisë, por nga qelia autorizoi deputetët Albulena Haxhiu dhe Fitore Pacolli që të mblidhnin firmat e nevojshme për të paraqitur kandidaturën e tij. Pikërisht gjatë kohës së kaluar prej tij prapa hekurave shpërthyen përplasjet e hapura brenda partisë, kur u bë publike një bisedë në Viber, në të cilën Aida Dërguti, tashmë ish-anëtare e Vetëvendosjes, përdorte fjalë fyese në drejtim të Albin Kurtit.

Kjo ishte vetëm maja e ajsbergut, që tregoi më pas sesa të thella ishin në të vërtetë ndasitë brenda kësaj force politike, të përballur sot me krizën më të rëndë që prej formimit të saj. Vetëvendosja u themelua në vitin 2004 nga Kurti.

Deri në vitin 2010, kur u përfshi për herë të parë në zgjedhje për pushtetin qendror, përmes protestave dhe aksioneve ajo kundërshtoi fort misionet ndërkombëtare në Kosovë dhe qeverinë e vendit.

/portali DurresLajm/

Na bëni like në facebook!: 

Lajme nga e njëjta kategori

   Policia e Kosovës është duke e realizuar një aksion në disa lagje të Prishtinës.

   Komisioneri për zgjerim i BE-së, Johannes Hahn, ka uruar Kosovën për rekomandimin pozitiv të Komisionit Evropian për liberalizimin e v

Komisionari i BE-së për Migrim, Çështje të Brendshme dhe Shtetësi, Dimitris Avramopoulos ka thënë se Kosova i ka plotësuar të gjitha kush

Komisioneri i BE-së për Çështje të Brendshme Dimitris Avramopoulos, ka paralajmëruar sot një konferencë për media në orën 16:30. 

Zëvendësndihmës sekretari amerikan i shtetit, Pete Marocco, po qëndron në Kosovë, në kuadër të një vizite në rajon.

Kryeministri i Kosovës, Ramush Haradinaj tha se Kosova është e përkushtuar në luftimin ekstremizmit dhe radikalizmit të dhunshëm.

Një operacion i gjerë është zhvilluar në Kosovë që ka çuar në arrestimin e 17 personave gjatë 24 orëve të fundit.

   Zëvendëskryeministri dhe ministri i Punëve të Jashtme të Kosovës, Behgjet Pacolli, priti në një takim përfaqësuesen e re të Greqisë në

Kryeministri i Kosovës, Ramush Haradinaj ka thënë se kosovarët jetojnë një ”botë tjetër” për dallim nga myslimanët në Lindjen e Mesme.

   “Pjesëmarrja jonë në ceremoninë e inaugurimit të presidentit Erdoğan ka qenë konfirmim i relacioneve tona strategjike mes Kosovës dhe