Ende pa nisur, dështon linja e autobusit Prishtinë-Aeroport

Postuar: 09/02/2018 - 22:54

   Ka dështuar përpjekja për funksionalizmin e linjës së autobusëve Prishtinë-Aeroport dhe anasjelltas.

Operatori i përzgjedhur thotë se nuk ka mundur të funksionojë me humbje. Ministria revokon linjën, por thotë se po shqyrton subvencionimin, për ta funksionalizuar atë.

Në prill të vitit të kaluar ish-ministri i Infrastrukturës, Lutfi Zharku, kishte njoftuar atë muaj do të niste funksionimin linja e autobusëve Prishtinë-Aeroport dhe anasjelltas. Por, 10 muaj pas, një e tillë nuk ekziston.

Veturat personale dhe taksitë, vazhdojnë të mbesin zgjidhja e vetme për qytetarët. Në rrethana të tjera, për shumë nga këta të fundit, autobusët do të ishin zgjidhje e parë.

Në Aeroportin Ndërkombëtar të Prishtinës, thonë se nuk e dinë arsyen e mos-funksionimit të një linje të tillë, edhe pse, sipas tyre, kanë vite që po presin për të. Ata shtojnë se kohë më parë i kanë ofruar kontratën operatorit të zgjedhur nga Ministria e Infrastrukturës, por që sipas tyre, ai nuk është paraqitur më asnjëherë.

Në kompaninë fituese të tenderit, “Bërveniku”, thonë se ata janë tërhequr pas tre muajsh, pasi nuk kanë mundur të punojnë me humbje, në mungesë të udhëtarëve.

Pronari i kompanisë në fjalë, Avni Murtezi, thotë se duke parë se funksionimi vetëm me linjën për udhëtarë është i pamundur, ka kërkuar që të bartë edhe punëtorët e aeroportit, por sipas tij, kjo nuk i është ofruar dhe ai është tërhequr.

Në Ministrinë e Infrastrukturës pranojnë se funksionalizimi i kësaj linje ka dështuar.

“MI-ja ka bërë hapjen e tregut përmes shpalljes së nisjeve të lira ndër-urbane në relacionin Prishtinë - Aeroport dhe anasjelltas, me ç ‘rast ka dhënë disa linja një operatori në mënyrë që të krijojë kushte për lëvizjen e qytetarëve përkatësisht qasjen në shërbimet për dhe nga Aeroporti Ndërkombëtar i Prishtinës ‘Adem Jashari’. Vlen të theksohet fakti që operatori fitues nuk ka arritur që të operojë për arsye që nuk ka pasur rentabilitet ekonomik, andaj MI-ja komfor procedurave ligjore ka bërë revokimin e atyre linjave për shkak të mos mbajtjes së linjave nga operatori fitues”, ka thënë Saranda Jusufi nga Ministria e Infrastrukturës.

Megjithatë, sipas Jusufit, ministria para pak muajsh ka miratuar një udhëzim administrativ për subvencionimin e linjave ndër-urbane ekonomikisht të paqëndrueshme, por të domosdoshme për qytetarët.

Duke u thirrur në këtë udhëzim, ajo shton se po shqyrtojnë mundësinë e funksionalizmin e kësaj linje përmes subvencionimit, në të ardhmen.

/portali DurresLajm/

Na bëni like në facebook!: 

Lajme nga e njëjta kategori

   Një nxënëse e shkollës së mesme të mjekësisë “Luciano Motroni” në Prizren, identiteti i së cilës nuk është bërë i ditur nga zyrtarët e

Një 14-vjeçar nga Kamenica ka vdekur si pasojë e dhunës së ushtruar nga babai i tij, ka konfirmuar Policia e Kosovës.

Presidenti i Kosovës Hashim Thaçi sot nga Budva porositi se Kosova do të formojë ushtrinë e saj dhe se Serbia nuk do të ketë të drejtë ve

   Në Kosovë, kryeministri Haradinaj tha se vendi ndodhet në ditët kritike të agjendës evropiane dhe sipas tij duhet bindur Bashkimi Evro

Kryeministri Ramush Haradinaj ka kërkuar nga Vatikani që ta njohë pavarësinë e Kosovës dhe të krijojë marrëdhënie diplomatike me shtetin

Bashkimi Evropian po ofron mundësi të mëdha për zhvillimin e vendeve të Ballkanit Perëndimor, në këtë mes edhe për Kosovën, por këto mund

   Kryeministri Ramush Haradinaj thotë se Asociacioni i Komunave me shumicë Serbe do të formohet sipas ligjeve të Kosovës.

Ministria e Punëve të Jashtme kosovare ka ndërshkaur të gjithë misionin diplomatik në Kanada, duke mos i dërguar buxhet në fund të vitit

Dialogu mes Kosovës dhe Serbisë duhet të sjellë deri te njohja e Kosovës si shtet të pavarur nga ana e Serbisë.

Kryetari i Kuvendit të Kosovës Kadri Veseli ka kërkuar nga institucionet izraelite që të njohin pavarësinë e Kosovës.