Plani i ri perëndimor për Kosovën

Postuar: 17/05/2018 - 12:05

Dialogu mes Kosovës dhe Serbisë duhet të sjellë deri te njohja e Kosovës si shtet të pavarur nga ana e Serbisë.

Ende nuk ka ardhur koha për ndërrim të territoreve. Amerika duhet të ndalë rrëshqitjen e Kosovës kah konflikti i ngrirë. Kosova duhet ta ketë ushtrinë e vet. Kështu shkruan gazeta serbe “Blic” e cila kishte qasje në dokumentin e institutit amerikan “Lindje Perëndim”.

Instituti “Lindje Perëndim”, në krye të cilit është ish-ambasadori i SHBA në Serbi Cameron Munter, sheh rrugën e zgjidhjes së çështjes së Kosovës dhe ardhmërinë e këtij shteti. Fjala është për institutin i cili ka ndikim në opinionin amerikan, për qëndrimet të cilat ata i paraqesin nëpër raportet e tyre, të cilat në të vërtetë janë qëndrimet e ekspertëve të cilët janë të njohur me rajonin e Ballkanit Perëndimor, shkruan gazeta serbe.

Plani i tyre nuk është i lidhur me planin amerikan për Kosovën, i cili i është dorëzuar Serbisë, por duke marrë parasysh se bëhet fjalë për një institut amerikan me ndikim, pas të cilit qëndrojnë politikanët me shumë ndikim, qëndrimet e tyre në të vërtetë përfaqësojnë opinionin e ekspertëve amerikanë, transmeton Insajderi.com.

Raporti, i cili është titulluar “Koha për aksion në Ballkanin Perëndimor”, është publikuar kohë më parë dhe ky tekst është pjesë e tij.

Në raport analizohet, siç është sqaruar, nevoja për aksion urgjent dhe pikë kthyese të SHBA-së dhe BE-së në mënyrë që të zgjidhen çështjet kontestuese dhe të pengohet konflikti potencial në Ballkanin Perëndimor.

Në të përveç tjerash shkruan se Kosova po hynë në konflikt të ngrirë në të cilin statusi i saj kontestues ndërkombëtar do të bëhet realiteti fatkeq. Dhjetë vjet kanë dëshmuar se madje njohja e të gjitha shteteve të BE-së, apo pjesës së rëndësishme të bashkësisë ndërkombëtare nuk do ta ndryshojë pozitën e Kosovës me Serbinë, e as ta zvogëlojë përkrahjen e Rusisë për obstruksionin e Serbisë e cila po i bën Kosovës. Zgjidhja kërkon që Serbia të pajtohet rreth pavarësisë së Kosovës.

Në mënyrë që të pengohet rrëshqitja e Kosovës kah konflikti i ngrirë, SHBA-ja duhet ta inkurajojnë BE-në që ta revitalizojë dialogun në mes të Kosovës dhe Serbisë. Dialogu duhet të sjellë deri te njohja e Kosovës si shtet të pavarur nga ana e Serbisë.

Përveç angazhimit aktiv të Kosovës në këtë dialog, Kosova duhet të ndërmarrë aksion të vendosur dhe të pavarur që përsëri ta konfirmojë angazhimin e saj ndaj parimeve të cilat janë në baza të kritereve të Kopenhagës. Puna e Dhomave të Specializuara duhet të përkrahet, e jo të pengohet. Njëkohësisht, SHBA dhe BE duhet të këshillohen në planifikimin e pasojave pasi të publikohen aktakuzat. SHBA duhet ta inkurajojë BE që përsëri të konfirmojë se Kosova mbetet në rrugën e besueshme për anëtarësim, edhe pse ka shumë për të bërë. Serbia duhet ta ketë të qartë dhe t’i bëhet me dije se për anëtarësimin e saj kërkohet njohja e pavarësisë së Kosovës dhe mirëkuptim se, atëherë kur Serbia anëtarësohet, nuk mund ta pengojë anëtarësimin e Kosovës në BE.

Mbi praninë e NATO-s thuhet se ai është përkohësisht i pranishëm në Ballkan dhe kështu duhet të mbetet, dhe se detyra e tij është  që të ndihmohet Kosova në krijimin e ushtrisë së saj. NATO duhet të punojë me Kosovën që ajo ta zhvillojë një ushtri të pajisur mirë në mënyrë që ta mbrojë vendin e vet. Zhvillimi i forcave mbrojtëse të Kosovës, në ardhmërinë e afërt nuk do t’i mundësojë SHBA dhe aleatëve të tyre evropian të zvogëlojnë angazhimin e tyre të drejtpërdrejt në rajon. Derisa Serbia dhe Kosova nuk e gëzojnë marrëdhënien e tyre stabile, NATO, duke përfshirë edhe forcat e SHBA, duhet të jenë të pranishme. Kjo do të thotë se prania e NATO-s është e përkohshme.

/portali DurresLajm/

Na bëni like në facebook!: 

Lajme nga e njëjta kategori

   Kryeministri Ramush Haradinaj thotë se Asociacioni i Komunave me shumicë Serbe do të formohet sipas ligjeve të Kosovës.

Ministria e Punëve të Jashtme kosovare ka ndërshkaur të gjithë misionin diplomatik në Kanada, duke mos i dërguar buxhet në fund të vitit

Kryetari i Kuvendit të Kosovës Kadri Veseli ka kërkuar nga institucionet izraelite që të njohin pavarësinë e Kosovës.

Në orën 07:00 ka nisur takimi i kryeministrit Ramush Haradinaj me zëvendësministrat e qeverisë së tij.

Nuk do të jetë e largët dita kur Kosova do të aplikojë për anëtarësim në Këshillin e Evropës, thonë përfaqësuesit politikë në Prishtinë.

   Radhët e gjata kanë shkuar deri në thellësi të Vermicës në doganën e Kosovës. Rrëmujë është krijuar edhe nga kamionët në radhë.

Kisha Ortodokse Serbe ka përsëritur qëndrimin e tyre në lidhje me statusin ligjor të Kosovës.

Policia e Kosovës ka konfirmuar arrestimin e aktorit kosovar Mensur Safqiu.

Presidenti i Kosovës Hashim Thaçi ka zgjedhur të flas përmes “Facebook”-ut për takimin e tij në Berlin me kancelaren gjermane Angela Merk

   Presidenti i Kosovës, Hashim Thaçi u prit nga kancelarja gjermane Angela Merkel për një vizitë zyrtare në Berlin.