Policia e Durrësit ka arrestuar në flagrancë një 36-vjeçar, i cili ditën e djeshme ka tentuar të vrasë me mjete prerëse shtetasin me iniciale, Y.H., 48-vjeç, në Katund Sukth.
Sipas njoftimit të policisë, i dëmtuari ndodhet në Spitalin Rajonal Durrës nën kujdesin e mjekëve.
NJOFTIMI I POLICISË
Specialistët e Sektorit kundër Krimeve të Rënda në Drejtorinë Vendore të Policisë Durrës arrestuan në flagrancë shtetasin: F.B. 36 vjeç, banues në Sukth.
Ky shtetas më datë 12.01.2018, në Sukth për motive të dobëta ka tentuar të vrasë duke e goditur me mjet prerës(thikë)shtetasin Y.H. 48 vjeç, banues në Katund Sukth.
Për pasojë, i dëmtuari ndodhet në Spitalin Rajonal Durrës nën kujdesin e mjekëve.
Shtetasi F.B. ishte me masë sigurie "Arrest në shtëpi" për një vepër tjetër penale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale "Vrasja me dashje" e mbetur në tentativë dhe "Prodhimi, mbajtja, blerja apo shitja pa leje e armëve të ftohta" parashikuar në nenet 76, 22 dhe 279 të Kodit Penal.