Gjendet i vdekur një person para një kompleksi në Golem.
Viktima është identifikuar nga ana e policisë si shtetasi T.T., 48 vjeç, banues në Durrës.
Nga të dhënat policore, mësohet se ngjarja ka ndodhur ditën e hënë më 18 qershor në zonën e Golemit, para një kompleksi.
Ndërsa rrethanat e këtij rasti mbeten ende të paqarta dhe nuk dihet nga se është shkaktuar vdekja e tij. Policia thotë se në trupin e viktimës nuk janë konstatuar dëmtime të jashtme.
Ka nisur ndërkohë puna për përcaktimin e shkaqeve të vdekjes.
Materialet u referuan në Prokurorinë pranë Gjykatës së Shkallës së Parë Kavajë, për vlerësim.