Godet me thikë 3 shtetas, në kërkim autori, në pranga përkrahësi i autorit të krimit

Postuar: 16/04/2018 - 10:56

Një 35-vjeçar është shpallur në kërkim nga policia pasi goditi me thikë tre shtetas, ndërsa ka arrestuar në flagrancë përkrahësin e autorit të krimit.

Sipas burimeve policore, në datën 15.04.2018, rreth orës 11:30, në një lokal në lagjen "Karbunarë" në qytetin e Lushnjes, pas një konflikti për motive të dobëta, shtetasi E.Sh, 35 vjeç, ka tentuar të vrasë me mjete prerëse (thikë) shtetasit L.Ç., 20 vjeç, A.Ç, 23 vjeç dhe D.S, 15 vjeç banues në Karbunarë.

Të tre shtetasit e dëmtuar ndodhen në Spitalin Lushnje nën kujdesin e mjekëve jashtë rrezikut për jetën.

Nga hetimet ka rezultuar se pas ngjarjes, shtetasi E.Sh., është ndihmuar për t'u larguar nga vendi i ngjarjes nga shtetasi R. P., i cili me mjetin tip "Benz" në pronësi të tij, e ka marrë nga vendi i ngjarjes dhe e ka ndihmuar për t'i shpëtuar kapjes nga policia dhe për t'u fshehur.

Specialistët për Hetimin e Krimeve në Komisariatin e Policisë Lushnje bënë të mundur kapjen dhe arrestimin në flagrancë të shtetasit:

-R. P., 28 vjeç, banues në Këmishtaj, Divjakë.

Nga ana e policisë është bërë sekuestrimi i automjetit tip "Benz"në pronësi të shtetasit R. P., si dhe po punohet për kapjen dhe ndalimin e autorit të dyshuar, shtetasit E.H.

Materialet iu referuan Prokurorisë Pranë Gjykatës së Shkallës së Parë Lushnje në ngarkim të shtetasit E.H., për veprën penale "Vrasje në rrethana të tjera cilësuese” e mbetur në tentativë, parashikuar nga Nenet 79/dh dhe 22 të Kodit Penal, dhe në ngarkim të shtetasit R.P., për veprat penale “Moskallëzimi i krimit" dhe "Përkrahja e autorit të krimit" parashikuar nga Nenet 300 dhe 302 të Kodit Penal.

/portali DurresLajm/

Na bëni like në facebook!: 

Lajme nga e njëjta kategori

I shpallur në kërkim për mashtrim, është kapur një person në portin e Durrësit në tentativë për të dalë jashtë kufirit me traget.

Një automjet tip “Benz” është vjedhur në lagjen nr. 18 në qytetin e Durrësit.

Dy makina janë përfshirë në një aksident në autostradën Tiranë-Durrës para pak minutash.

   Dy turistë shqiptarë ranë paraditen e djeshme në vendin e njohur si “Shpella e Pëllumbasit” në Tiranë, ndërsa njëri prej tyre vijon të

   Hajdutët vjedhin gjithçka që mund të vidhet; makina, celularë, shtëpi, madje dhe dy lopë.

   Policia e Tiranës ka rinisur kërkimet për gjetjen e të riut, i cili rezulton i zhdukur prej ditës së djeshme në “Shpellën e Pëllumbasi

   Një shqiptare dhe djali i saj janë arrestuar nga policia në Itali për shpërndarje të lëndëve narkotike.

     Policia e shtetit reagoi dy ditë pas vdekjes së Enea Ftojit në Komisariatin e Policisë së Korçës.

   Kanë kaluar gati 10 vite, që nga data 22.08.2008, kur shtetasi nga Shijaku F.D.

   Ka alarmuar familjarët e saj me largimin nga shtëpia, por më pas i ka habitur edhe më shumë me deklaratën e saj pas kthimit në banesë.