Kërcënoi prokurorin dhe policinë, në pranga kreu i shumëkërkuar i grupit kriminal

Postuar: 07/12/2017 - 09:03

Ndalohet një person i shumëkërkuar i dyshuar si organizatori i një grupi të strukturuar kriminal në fushën e kultivimit dhe të trafikimit të drogës.

I ndaluari është Marko Bushi, 41 vjeç, banues në Urakë  të Burrelit

Në tetor të një viti më parë, Bushi kërcënoi prokurorin dhe forcat e policisë lokale të cilët kishin shkuar për asgjësimin e 10 mijë rrënjëve kanabis në fshatin Myzë të bashkisë Mat. 

"Më datën 05.10.2016, në bazë të një plani paraprak, shërbimet e Policisë të Komisariatit të Policisë Mat, në bashkëpunim me Prokurorinë e Rrethit Gjyqësor Mat, kanë ushtruar kontroll territori për kultivim të bimëve narkotike në fshatin Myzë, Njësia Administrative Lis, Bashkia Mat. Gjatë operacionit u gjetën dy parcela të kultivuara me bimë narkotike ku u asgjësuan gjithsej 10 480 bimë Cannabis Sativa.

Shtetasi i lartpërmendur ka kërcënuar Prokurorin dhe forcat e Policisë lokale. Me ndërhyrjen e FNSH-së operacioni vijoi dhe u finalizua me asgjësimin e bimëve narkotike", njofton policia e shtetit.

Në vijim të veprimeve të kryera është bërë i mundur identifikimi i autorit, dokumentimi i veprimtarisë kriminale të tij dhe grupit që ai drejtonte në fushën e kultivimit dhe trafikimit të lëndëve narkotike.

Nga hetimet e kryera rezulton se ky shtetas ishte në rolin e organizatorit të grupit kriminal.

Arrest me burg

Gjykata e Krimeve të Rënda më datë 21.03.2017, ka caktuar masën e sigurisë "Arrest me Burg", për Bushin, për veprat penale "Prodhimi dhe shitja e narkotikëve", "Kultivimi i narkotikëve", "Grupi i strukturuar kriminal", dhe "Kryerja e veprave penale nga organizata kriminale dhe grupi i strukturuar kriminal".

Vijon puna për dokumentimin e plotë dhe kapjen e personave të tjerë të këtij grupi kriminal.

/portali DurresLajm/

Na bëni like në facebook!: 

Lajme nga e njëjta kategori

   Ka qenë një hetim i nisur disa muaj më parë që ka çuar në pranga jo pak, por 10 shqiptarë dhe tre grekë.

   Policia e Memaliajt ka arrestuar në flagrancë shtetasin Altjon Caca, 30 vjeç, banues në fshatin Zhapokikë.

   Një aksident i rëndë ka ndodhur pasditen e sotme në rrugën e Gjirit të Lalzit.

   Makina e autorëve që ekzekutuan çiftin në Shkodër është vjedhur në Kosovë.

   Dy persona janë vënë në pranga për aksidentin e ndodhur mbrëmjen e djeshme në autostradën Tiranë-Durrës, ku humbi jetën një i ri.

   27-vjeçari shqiptar Fitim Koldashi u dënua me 30 vjet e 8 muaj burg pasi në qershor 2017 vrau italianin Manuel Spinelli (në foton posh

Policia e Durrësit ka arrestuar në flagrancë një 46-vjeçar ditën e sotme.

Mbrëmjen e të martës një 74-vjeçare në Durrës ka gjetur vdekjen.

Një 29-vjeçar në Durrës i ka dhënë fund jetës duke u vetëhelmuar.

Gjykata e Rrethit Gjyqësor Krujë ka vendosur masë "Arrest me burg" për shtetasin Hysni Rama, vrasësin e Kejsi Hysës.