Detaje të reja janë zbuluar nga ngjarja në fshatin Gjorm ku Artion Shenaj vrau me kallashnikov shokun e tij Mariglen Memaj e më pas u vetëvra.
Mësohet se autori kishte vetëm tre ditë që ishte kthyer nga Franca, ku sipas burimeve ka qenë në burg me precedentë penale për lëndët narkotike. Memaj ishte prind i dy fëmijëve, një djali dhe një vajze, ndërsa autori ishte beqar.
Ndërkohë Shenaj kishte qenë emigrant në Itali si dhe i burgosur në Itali për lëndë narkotike, por më pas ishte kthyer të jetonte në fshatin e tij.
Ka dyshime që konfliktet mes tyre kanë qenë të vjetra dhe se mendohet që ka të bëjë me pazaret e drogës, ndërkohë që të dy palët kanë qenë fqinjë me njëri-tjetrin.
Si ndodhi ngjarja?
Mariglen Memaj, rreth 33 vjeç ka qenë duke pirë kafe në qendër të fshatit kur i është afruar Artjon Shenaj, 35 vjeç dhe pa paralajmërim ka qwlluar në drejtim të tij. Si pasojë e breshërisë së kallashnikovit, Memaj ka ngelur i vdekur në vend.
Pas të shtënave, autori është larguar nga vendngjarja e më pas ka shkuar në banesën e xhaxhait të tij aty pranë, ku me të njëjtën armë zjarri është vetëvrarë.
