Në orët e para të mëngjesit të sotëm Policia italiane në bashkëpunim me Policinë shqiptare ka ekzekutuar një operacion të përbashkët antidrogë të koduar "Shefi" nën koordinimim e Antimafias Italiane.

Mediet italiane raportojnë se mbi 200 forca të rendit kanë ekzekutuar 43 urdhra arresti ndaj personave të akuzuar për trafik marijuane, kokaine e hashashi. Droga trafikohej me mjete lundruese nga Shqipëria drejt rajonit të Puglias.

Operacioni "Shefi" ka nisur hetimet në vitin 2016 nga antimafia italiane e qytetit të Barit.

Në vijim priten detaje të reja rreth operacionit.