Sherr në klubin e seksit për një femër, dënohet shqiptari që vrau një tjetër

Postuar: 13/02/2018 - 07:58

Në shtator të vitit 2013, në zonën para një klubi nate (sex klubi) në lokalitetin Lätti të Kantonit të Bernës, një shqiptar nga Maqedonia qëlloi për vdekje me thikë një shqiptar nga Kosova dhe plagosi rëndë një tjetër.

Sherri mes tyre kishte filluar brenda në lokalin e natës. Shtetasi i Maqedonisë kishte kaluar në atë lokal një pjesë të kohës me një grua, me të cilën kishte lidhje emocionale, shkruan sda.ch. Por ndërkohë ai u ballafaqua me situatën kur gruaja në fjalë u afrua me një kosovar dhe kështu mes burrave u ndez një grindje.

Ndërkohë ata u ndanë dhe kosovari me dy kolegët e vet zviceranë iku me makinë nga vendi i ngjarjes ndërsa shqiptari i Maqedonisë vazhdoi të qëndrojë para klubit, transmeton albinfo.ch. Mirëpo pas pak ata te tre vendosën të ktheheshin.

Njëri nga zviceranët iu drejtua shqiptarit duke e akuzuar se në kohën sa kishin qenë në lokal, i kishte këputur një zinxhir që ai mbante në qafë. Por shtetasi i Maqedonisë e goditi me thikë në shpatulla, duke i shkaktuar plagë. Ndërkohë doli nga makina edhe kosovari, duke kërkuar ballafqim me sulmuesin, transmeton albinfo.ch. Ky i fundit e goditi atë aq fort në kokë sa që kosovari vdiq pak orë më vonë.

Shqiptari i Maqedonisë qe dënuar nga Gjykata e Lartë (kantonale) e Bernës me tetë vjet e nëntë muaj burg për vrasje me paramendim dhe për tentim lëndimi të rëndë. Ai ishte ankuar në Gjykatën Federale si shkalla më e lartë e gjyqësisë në vend, por kjo e fundit në vendimin e saj gjyqësor të publikuar sot e ka vërtetuar si të drejtë gjykimin që kishte bërë Gjykata e Lartë e Bernës.

I dënuari në ankesën e tij kishte theksuar se vrasja ka ndodhur në vetëmbrojtje dhe se në rastin e tij ishte shkelur parimi i akuzës. Por, duke qenë se pretendimi i tij nuk ishte argumentuar sa duhet, Gjykata Federale ka marrë në shqyrtim ankesën vetëm në mënyrë të pjesshme.

/portali DurresLajm/

Na bëni like në facebook!: 

Lajme nga e njëjta kategori

Gjykata e Tiranës ka dënuar me një vit e shtatë muaj burg një ish-inspektor të Policisë së Shtetit, pasi ka ndihmuar një të kërkuar për v

Policia italiane ka zbuluar planin e një 31-vjeçareje shqiptare e cila kishte vendosur t’i shiste fëmijën që po sillte në jetë, për 70 mi

Tre persona të moshës 30, 18 dhe 25 vjeç janë konfliktuar me njëri-tjetrin ditën e djeshme në Durrës.

Një sherr mes dy të rinjsh në Durrës ka agravuar në përdorimin e dorezave të hekurit.

Një aksident i rëndë ka ndodhur pasditen e sotme në Milot, ku nga të dhënat e para dyshohet për 6 persona të plagosur.

Shkak për vrasjen në tregun e Milotit është bërë xhelozia e viktimës ndaj të shoqes.

Treni i linjës Lushnje-Rrogozhinë ka përplasur një automjet, por fatmirësisht pa pasoja në njerëz.

Përleshje me armë në Athinë. Ngjarja ka ndodhur në zonën Peristeri pas një sherri midis dy grupeve të përbërë nga shqiptarë dhe rusë.

Policia e Durrësit ka nisur procedim penal për një 57-vjeçar pasi gjatë kontrollit në banesë iu gjet armë zjarri pa leje.

Policia ka nisur hetimet për një shtetas të huaj, të cilit i janë gjetur në bagazhe gjatë kontrollit në port, tre pistoleta trofe lufte.