Një shqiptar është gjetur i vdekur në banesën e tij në Romë.
“Il Messaggero” raporton se shqiptari i moshës 33 vjeç, identiteti i të cilit nuk bëhet i ditur, dyshohet se mund të jetë vrarë.
Ngjarja ka ndodhur gjatë natës në rrugën “Tota”, Valmontone.
Fqinjët kanë thënë se e shihnin shumë pak. Ai ishte me profesion transportues dhe shpesh ishte në udhëtim.
Policia ka mbërritur në vendin e ngjarjes dhe po punon për zbardhjen e rastit.