Pre e hajdutëve mbrëmjen e së hënës ka rënë shkolla e mesme e përgjithshme “Olsi Lasko” në Shkozet.
Sipas burimeve të DurrësLajm, të konfirmuara edhe nga policia e Durrësit, hajdutët kanë depërtuar në kabinetin e informatikës duke marrë me vete kompjuterat që ndodheshin aty.
Dyshohet se në vjedhje kanë marrë pjesë disa persona. Vjedhja është konstatuar mëngjesin e sotëm nga stafi i shkollës, që ka njoftuar policinë.
Grupi hetimor ka shkuar në vendngjarje dhe ka mbledhur provat materiale.
Po punohet për të identifikuar dhe kapur autorët.
Njoftimi i policisë:
Më datë 13.08.2018 , gjatë natës në lagjen Nr. 14 Durrës ne ambjentet e shkollës së mesme persona ende te pa identifikuar kanë vjedhur disa tableta dhe një pompë uji.
Punohet për identifikimin e kapjen e autorëve.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale" Vjedhja" parashikuar në nenin 134 të Kodit Penal.