Dëmtohet forumi mesjetar në qendër të Durrësit (VIDEO)

Postuar: 02/12/2017 - 19:00

Jo vetëm dëme në banesa e toka bujqësore por edhe në objektet arkeologjike ka shkaktuar pasoja situata e reshjeve këtë fillim dimri.

Një prej tyre është forumi mesjetar në qendër të Durrësit, muri mbajtës i të cilit ka shkarje dherash. Në pjesën e sipërme të forumit mesjetar që i përket shekujve të 5 e të 6-të, nga krahu i rrugës së gjykatës janë vënë re shkarje dherash. Muri i sipërm ka çeduar, ndërsa nuk është marrë asnjë masë pas situatës e cila mund të agravojë.

Ermir Asllani, një ish-mësues prej 42 vjetësh, anëtar i forumit të mbrojtjes së trashëgimisë kulturore në Durrës, tha se forumi nuk është mirëmbajtur, përkundrazi është dëmtuar nga mungesa e vëmendjes dhe investimeve.

Forumi rrethor është një tjetër vlerë e qytetit, i vetmi monument publik i periudhës së Antikitetit të vonë. Ai është zbuluar diku në mes të viteve ’80, teksa u shemb shkolla që ngrihej në këtë vend, e ku më pas do të ndërtohej një pallat. Gjithçka u ndalua për të ruajtur forumin rrethor. Edhe termat romakë të ruajtura nga koha e komunizmit, sot dergjen pa elementin më minimal, që do t’i bënte realisht të vizitueshme: ndriçimin e pastrimin e plotë të tyre.

Qyteti i Durrësit, ka katër pikat më të rëndësishme monumetale që i ruan që përpara viteve ’90: Amfiteatrin, Forumin rrethor, termat dhe murin rrethues. Qyteti i Durrësit, Dyrrahu apo Epidamnus siç quhej në fillesat e tij, është një ndër qendrat më të lashta dhe më të rëndësishme në Shqipëri. Thonë se kudo të gërmosh në qytetin bregdetar, nxjerrin kryet gjurmët e antikitetit, të cilat të kredhin thellë në historinë e tij.

/portali DurresLajm/

Video: 
Na bëni like në facebook!: 

Lajme nga e njëjta kategori

Ish-trupa e estradës, regjisori Haxhi Rama artist i merituar, aktorët Aishe Stari, Roland Koca, artistë të merituar, janë mbledhur brenda

Shuhet Fadil Hasa, teatri “Aleksandër Moisiu” i Durrësit në zi!

Për shkak të përmasave të tij si aktor, me çështjen e administrimit të pallatit prej Ndriçim Xhepës, mediat dhe rrjetet sociale u morën p

Aktori i famshëm i Hollywood me origjinë shqiptare, Stan Dragoti, është ndarë nga jeta në moshën 86-vjeçare në shtëpinë e tij në Los Anxh

   Ilia Terpini, një nga personazhet e rëndësishëm të historisë se kamerës e fotografisë shqiptare është ndarë nga jeta në moshën 82-vjeç

   Nga Gëzim KABASHI

“Nderi i Kombit” Gjergj Vlashi nesër (e premte) do të festojë 90-vjetorin e lindjes.

   Në qytetin e Durrësit është përuruar studio galeria “Dyrrah”, nismë e artistit amator poliedrik Edi Shuka.

Pas gërmimeve nga francezët, arkeologët italianë zbarkojnë në amfiteatër.

   Këngëtarja e njohur, Nexhmije Pagarusha, është dërguar me urgjencë natën e sotme në Qendrën Klinike Universitare të Kosovës.

Pas një debati të pak kohëve më parë mes aktores së mirënjohur Marjana Kondi dhe ministres së Kulturës, Mirala Kumbaro, duket se aktores