“Ditët e Librit” në universitetin e Durrësit (FOTO)

Postuar: 23/04/2018 - 09:22

Dita Botërore e Librit dhe e të Drejtave të Autorit është një mundësi për të nxjerrë në pah fuqinë e librave. Libri ka qenë historikisht instrumenti më i fuqishëm i shpërndarjes së njohurive dhe mjeti më efikas për të siguruar ruajtjen e këtyre njohurive. Liria dhe shoqëria demokratike kanë lindur pikërisht në kulturën librore dhe pa libra, zhvillimi i qytetërimeve do të kishte qenë krejt i pamundur.

“Sipas Unionit Botëror të të Verbërve”, një në çdo 200 njerëz në gjithë globin nuk shohin, rreth 246 milionë të tjerë kanë vështirësi në shikim. Këta persona kanë akses në vetëm 10% të informacionit të shkruar që ne lexojmë dhe shohim. “Është detyra jonë të promovojmë leximin dhe shkrimin, për të luftuar analfabetizmin dhe varfërinë, për të forcuar themelet e paqes, si dhe për të mbrojtur profesionet dhe profesionistët që kanë të bëjnë me botimin. Le të bashkohemi së bashku për të festuar librat si dëshirë për të ndarë idetë dhe njohuritë, për të frymëzuar mirëkuptim, tolerancë dhe shoqëri gjithëpërfshirëse”. Ky është mesazhi i UNESCO-s në Ditën Botërore të Librit dhe të të Drejtave të Autorit.

Sot, më shumë se kurrë, është koha që brezi i ri të nxirret nga gropa thithëse e internetit dhe e rrjeteve sociale, për t’u ngjitur në shkëmbin e fortë të kulturës librore. Ndaj, me rastin e Ditës Botërore të Librit, në bibliotekën e UAMD-së u organizuan “Ditët e Librit”. Aktivitetet nisën në datën 18 prill me një panair dhe u mbyllën ditën e hënë, teksa studentë e pedagogë, patën mundësinë të zbulonin “Prijësin e Palavdishëm” të autorit Enton Bido si dhe të mblidheshin për një takim letrar me shkrimtaren Arlinda Guma.

Po ashtu, studentët e Fakultetit të Edukimit vazhduan fushatën e tyre të mbledhjes së librave nën moton “Shpirti në një libër”. Në Vitin Mbarëkombëtar të Gjergj Kastriotit - Skënderbeut, një pjesë e këtyre librave do t’i dhurohen Bibliotekës së Universitetit të Mitrovicës në Kosovë.

UAMD falënderon studentët e pranishëm në këto aktivitete dhe që kanë përqafuar idenë se libri është shoqëruesi i domosdoshëm i ndryshimit.

/portali DurresLajm/

Na bëni like në facebook!: 

Lajme nga e njëjta kategori

   Një studente është rrahur brutalisht me një shufër hekuri pasi refuzoi të paguante më shumë para për hostelin ku ajo kaloi pushimet.

   "Muaj mjalti" italian për dukët e Sussex që, siç shkruan revista 'Chi' në numrin e radhës, kanë kaluar disa ditë në liqenin e Komos, s

   Një nga ishujt më të bukur të Greqisë, Mykonos në këtë sezon vere është i tej mbushur me turistë.

   Sipas “Daily Star”, policia angleze po heton një futbollist të Premier League, i cili dyshohet se ka droguar dhe përdhunuar një modele

   Të gjithëve ju kujtohet edicioni e fundit të ‘Top Select’ në Top Channel ku drejtohej nga katër të rinj: Kiara Tito, Ardit Murataj, Li

   Kur Papa Françesku puthi vogëlushen Gianna Masciantonio në vitin 2015, shumë e panë si një sinjal inkurajues, pasi ajo ishte diagnosti

   Dy shtetas koreano-veriorë, nënë e bir janë takuar me njëri-tjetrin për të parën herë pas 68 vitesh.

   Ata duken një çift ideal dhe historia e tyre ngjan si në përralla. Një princ që dashurohet me një vajzë të thjeshtë të universitetit.

Nëse një çift ndahet në stinën e verës, duke prishur planet që kishin bërë së bashku për pushime, sipas ekspertëve, duhet të veprojnë kës

MTV's Video Music Awards rikthehet mbrëmjen e kësaj të hëne (20 gusht) në Radio City Music Hall në New York.