Festimet për ditën e Shën Valentinit në shtete të ndryshme

Postuar: 14/02/2018 - 11:31

Amerikanët festojnë Ditën e Shën Valentinit çdo vit më 14 shkurt. Imazhet e zemrave janë kudo, siç janë trëndafilat e kuq dhe kutitë e çokollatave për t’ia dhënë personit të veçantë. Ju mund të thoni se “dashuria është në ajër”.

Shumë vende të tjera festojnë edhe Ditën e Shën Valentinit, secila në mënyrën e vet. Më poshtë ky artikull i VOA ju sjell vështrim në traditat e Ditës së Shën Valentinit në katër shtete.

Japoni

Për japonezët, Dita e Shën Valentinit ka të bëjë me çokollatën! Më 14 shkurt, gratë në Japoni japin dy lloje çokollate. Njëra quhet Giri-choco. Tjetra është Honmei-choco. Gratë përgatisin Honmei-choco shtëpi për t’ia dhënë dikujt të veçantë.

Danimarkë

Dita e Shën Valentinit është një festë e re në Danimarkë. Të rinjtë në vend filluan ta festonin atë në fillim të viteve 1990. Ndërsa amerikanët japin trëndafila të kuq, të rinjtë danezë festojnë Ditën e Shën Valentinit me lule të bardha të quajtura “flokëbore”. Ata ua japin lulet miqve dhe të dashuruarve.

Brazil

Në Brazil, festimet e karnavaleve në vend e zbehin ditën e Shën Valentinit. Pra brazilianët shënojnë një ditë të ngjashme më vonë gjatë vitit, më 12 qershor. Festa quhet Dia dos Namorados, ose Dita e të Dashurve. Brazilianët festojnë me dhurata, lule dhe çokollata, në të njëjtën mënyrë si amerikanët. Por në vend të festimit të Shën Valentinit, ata festojnë Shën Antoni.  

Filipinet

Filipinet festojnë ditën e Shën Valentinit në një mënyrë madhështore me dasma të mëdha në grup. Në të vërtetë, në vitet e fundit, më 14 shkurt është bërë një nga përvjetorët më të zakonshëm të martesave në vend. Qindra apo edhe mijëra çifte filipinase mblidhen në një vend për të thënë “Po” gjatë një ceremonie publike. Zyrtarët e qeverisë lokale mund të udhëheqin dasma masive. Ceremonitë janë shpesh të lira dhe përfshijnë lule, një tortë martese dhe nganjëherë edhe unaza martese./tvklan.al 

/portali DurresLajm/

Na bëni like në facebook!: 

Lajme nga e njëjta kategori

Ministrja e Jashtme austriake i dha fund beqarisë ditën e djeshme. Ceremonia u mbajt në kufirin jugor me Slloveninë.

Mes emocioneve të një shkëputjeje të gjatë nga bankat e shkollës “ Kushtrimi i Lirisë”, brezi i parë i nxënësve të kësaj shkolle që ka mb

Reshjet e shiut kanë prishur sot pasditen e shumë prej pushuesve që gjendeshin në plazh.

Presidenti i Republikës Ilir Meta i ka mbyllur pushimet malore në Kosovë.

Duket e çuditshme dhe madje shkon deri në kufijtë e të pabesueshmes, por në një spital në Arizona, 16 infermiere që punojnë në njësinë e

   Kim Kardashian pothuajse rrezikoi duke zbuluar pak më shumë se ç'duhet me veshjen fosforeshente seksi kur doli me miqtë për darkë.

   Kryeministri Edi Rama postoi pak ditë më parë një video në rrjetet sociale ku shfaqej te berberi.

   Një në tre planete jashtë sistemit diellor, që janë më të mëdha se Toka, përmbajnë ujë, thuhet nga studimi i ri që është kryer.

   Gjashtë fëmijët e tyre, biologjikë dhe të birësuar, kanë qenë gjithmonë më të rëndësishmit në jetën e tyre.

   Fati mund të tregohet bujar me dikë, por jo të gjithë dinë ta vlerësojnë.