Deputeti i Partisë Demokratike dorëzon mandatin

Postuar: 09/02/2018 - 16:22

Deputeti i Partisë Demokratike të Shqipërisë ka dorëzuar sot mandatin e deputetit.

I zgjedhur për herë të tretë si përfaqësues i popullit në Kuvend, për shkak të një angazhimi të ri Eduard Halimi ka bërë me dije se nuk do të mbajë më postin e deputetit.

Halimi tregon se nga nesër do t’i përkushtohet një projekti afatgjatë të së drejtës ndërkombëtare private në një network në Ballkan.

Reagimi i plotë

Për mua ka qënë një privilegj të zgjidhem për të tretën herë deputet i Kuvendit të Shqipërisë. Gjatë këtyre viteve kam kontribuar më përkushtim të plotë në politikë si njeri i çështjeve të drejtësisë.

Sot kam dorëzuar mandatin e deputetit pasi nga nesër i përkushtohem një projekti të së drejtës ndërkombëtare private në një netëork në Ballkan, projekt që është afatgjatë dhe kërkon që vendimin ta marr sot.

Kam qënë një njeri me fat në këto vite sepse kam pasur në krah bashkëpuntorë të shkëlqyer, të përkushtuar e të ndershëm me kontributin e te cilëve arrita të lija gjurmë, por mbi të gjitha që kam dalë faqebardhë nga të gjithë detyrat që kam pasur. Me punën e tyre ata i hoqën mundësinë kundërshtarëve politikë të hidhnin ndaj meje dhe atyre, baltën e kudogjendur në politikë. Ndaj dua ti falenderoj ata të gjithë sot publikisht.

Dua të falenderoj Sali Berishën, që më dha mundësinë të kontriboj ne jetën politike të vendit në këto vite.

Falenderoj Lulzim Bashën, për besimin në detyrat politike prej 2013, për bashkëpunimin e shkëlqyer në këto vite dhe për mirëkuptimin në çdo vendim prej ditës së parë e deri më sot.

Falenderoj të gjithë kolegët e nderuar të grupit parlamentar për gjithë bashkëpunimin në këto vite në politikë.
Së bashku ne i bëmë një shërbim të madh vendit me paketën ligjore të dekriminalizimit dhe paketën kushtetuese të drejtësisë në 22 korrik 2016.

Falenderim dhe mirënjohje për gjithë votuesit e PD në qarkun e Durrësit dhe Beratit që më zgjodhën 3 herë deputet të Kuvendit. Kontributi im në Partinë Demokratike do të vijojë për gjatë gjithë jetës sime si një antar i thjeshtë dhe i përkushtuar.

Falenderim mediave dhe gazetarëve të palodhur për bashkëpunimin në këto vite.

Shihemi së shpejti në një hapësirë tjetër të rrjeteve sociale.

Ju faleminderit të gjithëve, Eduard Halimi

/portali DurresLajm/

Na bëni like në facebook!: 

Lajme nga e njëjta kategori

   Në kuadër të vizitës zyrtare në Hungari, Presidenti i Republikës, Ilir Meta, u prit në një takim të veçantë edhe nga Kryetari i Parlam

Ministri për Evropën dhe Punët e Jashtme ka reaugar pas deklaratave të kreut të PD, Lulzim Basha se Gjermania ka marrë vendimin për të vo

Në një intervistë për ‘Deutsche Welle’, raportuesi për Shqipërinë në Parlamentin Europian, socialdemokrati gjerman, Knut Fleckenstein ka

Kreu i grupit parlamentar të LSI-së, Petrit Vasili, pas seancës parlamentare, foli në dalje të Kuvendit për një “shkatërrim përfundimtar

Ashtu si në seancat e fundit edhe seanca e sotme e Kuvendit është shoqëruar me tensione dhe debate të ashpra mes opozitës dhe mazhorancës

Ka rinisur pas një ndërprerje prej 10 minutash seanca e Kuvendit, ndërkohë që në foltore qëndron ende kryetari i PD-së Lulzim Basha.

Kreu i opozitës Lulzim Basha tha nga foltorja e Kuvendit se Shqipëria mori lajmin më të keq, pasi partitë gjermane nuk do të votojnë pro

Në kuadër të vizitës zyrtare në Hungari, Presidenti i Republikës, Ilir Meta, u prit në një takim të veçantë edhe nga Kryeministri i Hunga

   Sheshi “Skënderbej” fitoi të mërkurën Çmimin Europian të Hapësirës Publike 2017, në konkursin e zhvilluar në Barcelonë, ku Shqipëria k

   Një qytetar nga Durrësi, ka denoncuar sot faktin që sipas tij, kryebashkiaku Vangjush Dako dhe drejtori i OSHEE, Adrian Çela po zhvend