Këshilltari Spaho: Veliaj vjedh 14 mln euro me projektin e shkollave me PPP

Postuar: 09/08/2018 - 14:05

Në një deklaratë për mediat, këshilltari demokrat në Këshillin Bashkiak të Tiranës, Mateo Spaho ka akuzar kryetarin Erion Veliaj se po vjedh 14 milionë euro me projektin e shkollave me PPP.

Spaho deklaroi se përfituesi i parë nga këto politika të Veliajt, është ndërtuesi i shtëpisë së tij tek Kodra e Diellit.

DEKLARATA E PLOTË

Kryetari i Bashkisë së Tiranës, Erion Veliaj, ka vendosur të fusë dorën edhe më shumë në xhepat e qytetarëve të Kryeqytetit dhe t’i grabisë ata duke përdorur si mburojë fëmijet dhe shkollat.

Ai po përgatit dhe po zbaton skemën më të madhe të abuzimit me paratë tona, paratë e taksapaguesve, për t’ua dhënë klientëve të tij dhe klienteve të tutorit të tij Edi Rama.

Kryetari i Bashkisë ka propaganduar me të madhe ndërtimin e 17 shkollave të reja njëherazi, duke detyruar qytetarët e Tiranës të paguajnë rreth 80 milionë dollarë në 7 vite për disa ndërtesa që, në vend ​të simbolit të dijes dhe të së mirës, do të jenë simboli i korrupsionit të kryebashkiakut Erion Veliaj.

Pas rritjes së taksës së ndikimit në infrastrukturë, rritjes së taksës së tabelës, dyfishimit të taksës së pronës, rritjes së taksës për hapësirat tregtare, 6 fishimit të taksës për zënien e hapësirave publike, vendosjes së takses për infrastrukturën arsimore, bllokimin e rrugëve dhe vendosjen e parkingjeve me pagesë, qytetarët e Tiranës do të paguajnë taksën e dyfishtë për arsimin, sepse Erion Veliaj ka vendosur të vjedhë 14 milionë euro nga projekti i shkollave me PPP.

Si bëhet kjo vjedhje?

Shumica e familjeve në Tiranë ka marrë të pakten një herë kredi për shtëpi dhe gjithkush synon ta marrë me interesin më te ulët, mesatarja është tek 4%.

Por nuk ndodh kështu me Erion Veliajn.

Kryebashkiaku hajdut dhe zhurmëmadh i Tiranës paguan me taksat tona 6.3 % interes tek ata që do të ndërtojnë shkollat me 80 milionë euro.

Një kryebashkiak i ndershëm që nuk e ka mendjen të vjedhe dhe të kapë median si Erion Veliaj, do të kishte marrë kredi shtetërore me 3 % dhe, në vend te 17 shkollave, do të kishte ndërtuar 21 shkolla apo do të kishte kursyer 14 milionë euro.

Kush do t’i fitojë këto 14 milionë euro, kundër interesit të qytetarëve?

I pari që ka formosur kontratën me bashkinë e Tiranës është Gentian Sula!

Qytetarët e Tiranës duhet të dinë se ky është ndërtuesi i rezidencës luksoze të vilave në Kodrën e Diellit, ku jeton edhe kryebashkiaku hajdut Erion Veliaj.

Konflikti i interesit është i hapur, njësoj si vjedhja e 14 milionë euro me projektin e shkollave me PPP!

Ka ardhur koha që qytetarët e Tiranës t’i japin fund shkatërrinit të qytetit me beton, babezisë dhe vjedhjes së mbuluar me ngjyra të bukura nga simboli i korrupsionit të Tiranës, Erion Veliaj!

/portali DurresLajm/

Na bëni like në facebook!: 

Lajme nga e njëjta kategori

   Deputeti i PS, Jurgis Çyrbja ka reaguar pas akuzave të PD se ai është pjesë e bandës së Emiliano Shullazit dhe për këtë duhet të arres

   Nënkryetari i komisionit të ligjeve Enkelejd Alibeaj ka bërë sot një deklaratë të fortë, duke e cilësuar deputetin e PS Jurgis Çyrbja

Partisa Demokratike, ka akuzuar kryebashkiakun e Tiranës Erion Veliajn, se ka fshehur ngjarjen e shpërthimit të një bombole gazi në magaz

Kreu i grupit parlamentar të LSI-së Petrit Vasili, ka reaguar pas situatës alarmante nga ethet e Nilit që janë përhapur në Europë, por ed

Një pushues në Durrës ka denoncuar tek ish-kryeministri Sali Berisha shqetësimin e tij.

Partia Demokratike në Durrës ka denoncuar sipas saj, mungesën e transparencës së fondeve publike me investimet në rrugë.

Zv.ministrja e Brendshme Romina Kuko po zhvillon një vizite në SHBA, me ftesë të Departamentit të Shtetit.

Presidenti Ilir Meta ka vizituar komunën e Shterpcës (Brezovicë) në Kosovë.

Kryeministri Edi Rama ka reaguar për tragjedinë në Xhenova të Italisë, ku humbën jetën edhe dy shqiptarë.

Pas rrëzimit të urës në Xhenova, arkitekti i njohur dhe zv.ministri i Infrastrukturës dhe Energjitikës, Artan Shkreli ngre shqetësimin pë