Komisioni Europian ka reaguar pas deklaratave të kryeministrit Edi Rama te dielen në Kuvendin e Kosovës, ku tha se Shqipëria e Kosova mund të kenë një president simbol te unitetit kombetar.
Zëdhënësja e KE, Catherine Ray, tha se këto deklarata janë të papërshtatshme.
"Deklaratat që mund të interpretohen si një ndërhyrje politike në vendet fqinje nuk ndihmojnë në ndërtimin e marrëdhënieve të mira fqinjësore. BE pret që në të gjithë rajonin të vazhdojë ndërtimi i marrëdhënieve konstruktive dhe bashkëpunuese. BE ka vazhduar të mbështesë parimet e pajtimit dhe bashkëpunimit në këtë rajon."
