Të vërtetat e hudhrave të mbira – A duhet t’i konsumoni

Postuar: 06/12/2017 - 13:35

Nëse hudhrën e fusni në frigorifer, ajo do të kalbet më shpejt dhe do të ketë tendencën të lëshojë filiza. Foto: Flickr

Hudhra është një nga përbërësit më popullorë të çdo kuzhine në botë. Ajo ndez shijet e recetave nga më të ndryshmet. Ato janë pjesë e pandashme e gatimit të amvisave dhe shefave të kuzhinës në çdo krijim të tyre.

Shqipëria nuk ka vuajtur ndonjëherë nga mungesa e hudhrës. Zona e Korçës ka qenë furnizuesja kryesore dhe tradicionale e hudhrës cilësore shqiptare.

Shefat e kuzhinës respektojnë aftësinë e hudhrës për tu rritur e përshtatur me shumë klima të ndryshme dhe për t’i rezistuar kohës e megjithatë, thelbinjë kanë tendencën të lëshojnë filiza në pranverë. Në këtë artikull të AgroWeb.org do të mësoni shumë fakte interesante për hudhrën dhe filizat e saj.

Përkujdesja për hudhrën

Hudhra reziston nëse e ruani në një temperaturë të freskët prej 12-18 gradë Celcius dhe me një nivel lagështie mesatare rreth 40-60 përqind. Kushtet ideale të ruajtjes së hudhrës ofrohen në një enë që lejon qarkullimin e ajrit (ka enë specifike balte me vrima që janë perfekte për ruajtjen e hudhrës) se sa në një qese plastike.

Nëse hudhrën e fusni në frigorifer, ajo do të kalbet më shpejt dhe do të ketë tendencën të lëshojë filiza që në momentin që kthehet në një vend me temperaturë ambienti.

Kjo ndodh sepse ndryshimet e temperaturës e bëjnë hudhrën të kujtojë se ‘erdhi pranvera.’ Për fat të keq, hudhrat ‘pa asnjë cen dhe me paraqitje të bukur’ që gjenden në supermarket, gjithnjë ruhen në frigorifer, dhe sapo të shkoni në shtëpi, do të vini re ndryshimet.

A konsumohen hudhrat që kanë lëshuar filiza?

Çelja e filizave nuk është diçka që dallohet me sy të lirë që në fillim, sepse shumë syresh janë të fshehura brenda cipës së hollë mbështjellëse të thelbinjve.

Kur shkon në supermarket, është e pamundur që ta qërosh hudhrën dhe të shohësh nëse ka lëshuar filiza, por AgroWeb.org do t’ju mësojë një metodë interesante e cila do t’ju ndihmojë të dini më shumë për hudhrën dhe gjendjen e saj.

Ju këshillojmë të merrni thelbinjtë e hudhrës dhe t’i shtrydhni lehtë me dorë. Thelbinjtë do t’ju duken të fortë dhe të fryrë. Hudhra e vjetër do të jetë më e lehtë dhe më e thatë . Sa më e thatë të jetë hudhra, aq më të mëdha janë gjasat që ajo të lëshojë filiza.

Përdorimi i hudhrës me filiza

Në këtë periudhë të vitit, është e vështirë që në supermarket të gjeni hudhër të freskët e të ruajtur siç duhet. Edhe nëse blini hudhra që kanë lëshuar filiza, mos u shqetësoni. Hudhra të tilla janë të përdorshme në kuzhinë. Qërojini si zakonisht dhe prijini për së gjati deri në mes të thelbit.

Hapeni në dysh dhe filizi i vogël do të jetë i qartë. Kapeni në majë dhe tërhiqeni dhe përpiquni mos ta konsumoni filizin sepse është i hidhur dhe nuk ka shije të mirë. Grijeni hudhrën si zakonisht. Kini parasysh që kur hudhra ka filiz brenda, ka një shije më të fuqishme se ajo e zakonshmja./AgroWeb.org

/portali DurresLajm/

Na bëni like në facebook!: 

Lajme nga e njëjta kategori

Ekziston një lloj buburreci që nuk lëshon vezë, por që prodhon një lloj qumështi që shkencëtarët e konsiderojnë shumë të shëndetshëm.

Çfarë të vjen ndërmend kur lexon për vitaminat?

   Vuani nga krahët e shëndoshë dhe të varur?

Të gjithë e dinë se frutat dhe perimet janë ndër ushqimet që konsumohen më së shumti, por përmbajnë pesticide. 

Stresi shkakton shumë të këqija në trupin tonë, përfshirë këtu dhe rritjen e nivelit të presionit të gjakut.

   Bota jonë moderne është e mbushur me sëmundje, rreziqe të shumta shëndetësore derisa kanceri është padyshim një nga sëmundjet që i fri

   Kërkesat e rritura të jetës së përditshme mund të ndikojnë në sistemin imunitar në dimër, duke na bërë më të ndjeshëm ndaj infeksionev

Rënia e flokëve dhe thinjat e parakohshme tek meshkujt nën moshën 40 vjeçare, janë një faktor rreziku për sëmundje të zemrës më shumë se

Lëkura në dimër është shumë më e ndjeshme se zakonisht dhe për këtë ne duhet të shmangim disa gabime që mund ta përkeqësojnë situatën.

Panxhari i kuq është një nga perimet më të mira shqiptare dhe kultivohet gjerësisht në tokat më pjellore të vendit.