Ushqimet që ju mbrojnë nga i ftohti dhe gripi në dimër

Postuar: 18/01/2018 - 08:29

Ka disa njerëz që sapo hyn stina e dimrit, i shikon thuajse gjithmonë me viroza. Po ashtu edhe fëmijët e vegjël, disa janë shumë delikatë dhe ftohen menjëherë. E gjitha ka të bëjë me imunitetin tonë.

Por, kur temperaturat ulen, trupi ynë është më i predispozuar për t'u prekur nga i ftohti dhe gripi. Për të qëndruar të shëndetshëm këtë dimër, ju duhet të bëni sa më shumë aktivitet fizik, të keni një dietë të pasur ushqimore dhe patjetër të visheni sa më ngrohtë. Por sipas dietologëve duhet të tregoni kujdes në mungesën e vitaminave, për të patur një sistem imunitar sa më të fortë. Dhe këto janë 5 vitaminat që do ju ndihmojnë të kaloni një dimër sa më të shëndetshëm nëse trupi juaj i ka në sasi të mjaftueshme.

Vitamina D
Ne e sigurojmë vitaminën D kur jemi të ekspozuar ndaj rrezeve të diellit. Në dimër kjo gjë bëhet më e vështirë. Por pse është kaq e rëndësishme vitamina D? Ajo na forcon imunitetin dhe na mbron nga infeksionet.

Ushqimet të pasura me vitaminën D:
– peshku
– vezët
– kërpudhat
– nënprodukte të qumështit

Vitamina C
Nëse trupi juaj ka mangësi të vitaminës C, nuk do të jetë në gjendje të luftojë mikrobet. Prandaj roli i saj në dimër është vendimtar.

Ushqime të pasura me vitaminën C:
– agrumet (portokall, limon, qitro)
– boronicë e kuqe
– perime jeshile

Acidi folik
Acidi folik bën pjesë në familjen e vitaminës B. Ndikon në rritjen dhe riprodhimin e qelizave prandaj është aq i rëndësishëm për gratë shtatëzane. Ka rol në sintezën e ADN- së dhe ARN- së. Kjo është arsyeja pse mungesa e acidit folik mund të dobësojë sistemin imunitar. Gratë shtatëzane patjetër duhet të marrin acid folik, por edhe të alkoolizuarit janë të rrezikuar për të patur mungesa të acidit folik. Ushqime të pasura me acid folik:
– panxhar
– fasule
– kikirikë
– luleshtrydhe

Vitamina A 
Është e rëndësishme sepse mungesa e saj shoqërohet me rrezikun e rritjes së infeksioneve dhe ndikon në imunitet.

Ushqime të pasura me vitaminën A:
– ton
– vezë
– patate e ëmbël
– perime jeshile
– nënprodukte të qumështit

Vitamina E 
Është një antioksidant i fuqishëm, që ndikon në sistemin imunitar. Ndikon në një sërë sëmundjesh ( kanceri dhe artriti) dhe në procesin e plakjes.

Ushqime të pasura me vitaminën E:
– arra
– vajra bimore

Nëse keni një stil të shëndetshëm jete, mundësitë që të keni mungesa të vitaminave janë të vogla. Por nëse ndjeheni të këputur apo lodhur, më e mira është të drejtoheni te mjeku për kuptuar se për çfarë realisht ka nevojë trupi juaj./Atsh

/portali DurresLajm/

Na bëni like në facebook!: 

Lajme nga e njëjta kategori

Uji i gazuar ofron të njëjtat përfitime hidratuese si uji mineral por pasurohet me bulëzat argëtuese që i japin ujit një nuancë shumë her

Dhimbja e kokës është një shqetësim shumë i shpeshtë dhe mund të përkeqësohet nëse jemi në stres.

   Era e keqe e gojës mund të jetë shumë e vështirë për t’u eliminuar.

   Me siguri edhe ju ashtu si shumë persona të tjerë keni dëgjuar se konsumimi i kafes ju dehidraton dhe prandaj e konsumoni pak edhe pse

   Ju vjen erë e keqe nga goja dhe keni karies të shpeshtë? Mund të jetë diabet.

   Ekspozimi ndaj temperaturave tepër të larta shkakton dy probleme në dukje të ngjashme. Bëhet fjalë për goditjen e diellit dhe lodhjen

Mos i hidhni asnjëherë lëvozhgët e vezëve, pasi është një burim i pasur i mineraleve.

Femrat koreane kanë gjithmonë këshilla për të dhënë për sa i përket kujdesin për fytyrën.

A keni menduar ndonjëherë pse gratë japoneze kanë gjithmonë lëkurë të bukur, pavarësisht moshës?

   Plazhet dhe pishinat janë vendet ideale për t’u shpëtuar ditëve të nxehta.