Historia e trishtë, 65-vjeçari jeton në banjot publike

Postuar: 09/01/2018 - 22:46

   Një 65-vjeçar jeton në banjot publike të qytetit të Vlorës. Prej 10 vitesh, Vladimir Tahiraj, jeton në një sipërfaqe rreth 5 metër katrorë, vend i ftohtë dhe me lagështirë. Fiks Fare udhëtoi drejt Vlorës, ku dëgjoi rrëfimin prekës.

“Kushtet janë shumë të vështira Edhe qëni mos të rrojë kështu. Kam ftohtë, uri. Jam bërë dy lekë njeri, i dobët. Gjendja është shumë e keqe” thotë Tahiraj.

Më tej shton se kërkon vetëm një kolibe.

“Të paktën mos të vdes këtu. Mos të thonë njerëzit vdiq në banjo, se kjo ngel si histori” vijon ai, teksa më pas tregon kalvarin e jetës. Në diktaturë ka bërë 28 vjet burg për plagosje të rëndë. Pas viteve ’90 është martuar dhe ka një fëmijë. Më pas është ndarë dhe ish-bashkëshortja dhe djali jetojnë prej shumë vitesh në Greqi, ndërsa Vladimiri nuk ka asnjë kontakt. “Unë jam ndarë nga bashkëshortja, po bëj 20 vjet vetëm. Po bëj 20 vjet që jetoj në këto ganxha. Kam punuar dhe më hoqën nga puna. Kam që në vitin 2008 në këtë vend. Jetoj vetëm me 25 mijë lekë të vjetra asistencë. Unë rri ditë e natë shtrirë, nga e keqja. Ky vendi këtu ka qenë banjo. Vendin ma dha bashkia se nuk kisha ku të rrija. Kushtet janë shumë të këqija. Edhe qeni nuk rri ashtu” vijon Tahiraj, ndërsa tregon edhe vendin ku fle dhe ha.

“Unë po pata gatuaj. Në bashki nuk ta fishkëllen njeri. Nuk të jep asnjë dhomë. E kam takuar 5 herë kryetarin. Ja çfarë kam gatuar sot, kaçamak. Bukë me vaj dhe ujë si i thonë. Ja kaçamaku me bukë (tregon tenxheren). Shkoq bukën dhe e lyen me pak vaj kikirik dhe ujë. S’ka trahana. Bukën ma jep një i furrës. Këto të tjerat janë ato që mbaj qirinjtë, se s’ka as drita. Vendi është shumë i ftohtë, rri brenda në batanije. Unë dal nga dhoma nga ora 12.00, futem në orën 4 ose 5 brenda”, thotë 65-vjeçari. Ai thotë se në burg ishte 100 herë më mirë, pasi kishte për të ngrënë, pirë dhe për të fjetur. Në fund, pyetjes se çfarë do të bëjë, thotë “Do vdes aty!”.

/portali DurresLajm/

Na bëni like në facebook!: 

Lajme nga e njëjta kategori

Këtë të enjte, në ambientet e universitetit "Aleksandër Moisiu" (UAMD), Rektorja e Universitetit Prof. Dr.

   Arrin mbi 600 persona numri i të prekurve nga virusi i fruthit në vendin tonë.

Ministria e Arsimit vijon informimin e maturantëve pas vendosjes së kriterit të notës mesatare 7 për degët e mësuesisë.

Shumica e popullsisë së botës jeton në zona ku cilësia e ajrit nuk është e shëndetshme.

   Sot në emisionin “Stop” u trajtua një temë mjaft delikate, largimi i fëmijës nga nëna e tij në mënyrë të padrejtë.

   Qeveria u ka premtuar banorëve të qarkut të Kukësit një tarifë preferenciale për qarkullimin në Rrugën e Kombit dhe për këtë zyrtarish

Alfred Gjeta është një i ri, i cili prej 15 vitesh jeton në Britaninë e Madhe, ndërsa familja e tij është shpërngulur në lagjen 17 në zon

Një 54-vjeçar nga Kavaja ka denoncuar në emisionin "Me zemër të hapur" në "News24", tradhtinë e gruas, të pretenduar nga ana e tij.

Një 54-vjeçar nga Kavaja i ka dhënë fund martesës së tij të gjatë për shkak të tradhtisë bashkëshortore.