Njihuni me "super-gjyshen", sakrifica që bën për mbesën e bashkëshortit

Postuar: 11/02/2018 - 14:48

Rasti i parë i rubrikës “Ka një mesazh për ty” te “E diela shqiptare”, kishte protagoniste gjyshe Tahirenë, një zonjë shumë e ëmbël e cila kishte bërë shumë sakrifica për familjen e bashkëshortit të saj. Ajo ishte thirrur në studio nga mbesa e saj Erjona me të cilën jetonte, për t’i treguar që ajo është shumë e vlerësuar për sakrificat e bëra dhe gjithë dashurinë që i kishte dhënë gjatë gjithë jetës. Marrëdhënia e tyre është një shembull i sakrificës, mirënjohjes, dashurisë dhe ngrohtësisë që mbizotëron në familjet shqiptare. 

Erjona: Gjyshi im ka qenë i martuar para 55 vjetësh, i vdes gruaja nga një fatkeqësi. Kështu që vendos të martohet, dhe kurorëzohet me gjyshe Tahirenë që unë tashmë i them gjyshe me plot kuptimin e fjalës. Ajo nuk bëri fëmijë me gjyshin sepse thoshte nuk dua që të duket sikur po bëj diferencime, më mirë të rris fëmijët e burrit. Kjo ishte sakrifica më e madhe e saj që nuk hidhet poshtë. Erdhi momenti dhe vdiq gjyshi, gjyshja ngeli vetëm sepse pesë fëmijët e gjyshit nuk kujdeseshin fare për gjyshen.

Ardit Gjebrea: Edhe pse ajo i kishte rritur?

Erjona: Nuk interesoheshin fare, u harrua sakrifica. Megjithatë mami im edhe sot e kësaj ditë ka marrëdhënie shumë të mira me gjyshen. Mua më kishin pikë të dobët bashke më gjyshin. Unë jam rritur në shpinë e tyre, aty linda aty u rrita, aty kam dalë nuse. Unë bashkë me tim shoq e ndihmonim gjyshen shumë, mua dhe tim shoq Besnikun gjyshi na kishte lënë trashëgimtarë të shtëpisë. Dhe gjyshja e çoi amanetin e tij deri në fund, bëri testamentin. Ne vendosëm që kur të vdiste gjyshja të bëhej ç’të bëhej sepse nga ana financiare ishim shumë mirë. Por ne që të jetonim veç kunatit dhe kunatës, menduam të merrnin një kredi për të blerë një shpi. Kredinë filluam ta shlyenim me rrogën e tim shoq dhe jetonim për bukuri. Por para katër vjetësh, ma pushojnë nga puna, i bëjnë një padrejtësi. Ne të gjithë u bëmë shumë keq, unë bashkë me tim shoq, gocat kishin shumë shpenzime. Gjyshja na shikonte që vuanim por s’kishte ç’të bënte. Arritëm deri në atë pikë sa shpinë do ta konfiskonte banka sepse nuk po shlyhej kredia.

Ardit Gjebrea: U konfiskua shtëpia?

Erjona: Jo sepse tha gjyshja do e shesim shtëpinë. Shtëpinë e saj. Ajo bëri një sakrificë të madhe dhe e shiti shtëpinë. Erdhi të jetonte me ne. Ishte goxha entuziaste, kënaqej me gocat. Por u shqetësua sepse i mungonin miqtë dhe shtëpia që kishte pasur ishte e vjetër dhe mbarte të gjithë kujtimet me bashkëshortin. Megjithaë ne u rregulluam, kredia u shlye.

Erjona dhe vajzat tregojnë me emocionesh detaje rreth karakterit të nënë Tahiresë ndërkohë që stafi i së dielës shqiptare i dërgon asaj ftesën për t’u bërë pjesë e rubrikës.

Gjyshe Tahireja, një zonjë shumë simpatike, e fisme dhe e kuruar në pamjen e saj mbërrin në studio dhe mes humorit e batutave, Erjona i përcjell këtë mesazh:

Erjona: Nëna unë nuk dal kurrë në televizor por sot dola vetëm për ty sepse të dua jashtë mase, të dua shumë. Sakrificën tënde, atë që ke bërë ti, unë e di shumë mirë. Të duam të gjithë shumë. Ti mos u shqetëso fare, azilin mos e përmend më. Në shtëpi do jetojmë të lumtur, unë, ti, vajzat dhe bashkëshorti im.

Gjyshe Tahireja: Edhe unë të falënderoj shumë të keqen nëna, që më mbani, më mbani shumë mirë. Me doni jo si gjyshe, po tamam si nënë dhe jam shumë e kënaqur sepse kam dy vajza si pëllumbesha.

Mes gjithë këtyre fjalëve e mesazheve të ngrohta, stërmbesa e saj Fjori i drejtohet gjyshe Tahiresë me këto fjalë: Nëna edhe ne nuk ta kemi shprehur aq sa duhet, sa të duam. Unë asnjëherë nuk të kam konsideruar si stërgjyshe apo si gjyshe, por si nënë e dytë. Nuk kam fjalë të përshkruaj sa të dua./tvklan.al

/portali DurresLajm/

Na bëni like në facebook!: 

Lajme nga e njëjta kategori

   Një borxh është bërë shkak që dy vëllezër të përballen me njëri-tjetrin në seancën e ndërmjetësimit, në rubrikën “Shihemi në Gjyq”.

Arritjet dhe problemet në fushën e kirurgjisë janë diskutuar në Konferencën e 9-të Mediko-Kirurgjikale organizuar nga Spitali i Durrësit,

Fondacioni “Shoqëria e hapur për Shqipërinë” në bashkëpunim me “Lëviz Albania”, ka organizuar një tryezë të rrumbullakët me gazetarët lok

   E reja nga Vlora, Vilma Dule e sulmuar 5 vite më parë me acid që i ka sjellë ndryshime të mëdha në pjesën e fytyrës, shkruan se kur nj

Quhet Serian Stafa dhe është 27 vjeç. Ai vjen nga Shijaku dhe është babai i një djali tre vjeçar.

Në sallën e Konferencave të universitetit "Aleksandër Moisiu" Durrës, ka nisur punimet Konferenca e Dytë Shkencore Ndërkombëtare me temë:

Shqipëria brenda pak muaj u trondit nga dy vrasje të rënda që e kanë zanafillën nga histori dashurie e pamundura.

Avokati Kieran Both i është përgjigjur interesit të një shqiptareje, e cila kërkoi të dije nëse mund të marrë shtetësinë amerikane, duke

Tjetër shans për minimaturantët që nuk arrijnë të sigurojnë dot notë kaluese në një nga tre provimet e lirimit, që iu nënshtrohen brenda