Qendra Ditore e të Moshuarve në Durrës, kriteret dhe shërbimet që ofron

Postuar: 13/11/2017 - 14:04

Gertjana Daçi

Mosha e tretë është ajo kategori e individëve e cila kërkon shumë dashuri dhe kujdes të posaçëm. Të lodhur nga rëndesa e viteve mbi supe, e ndërthurur me shumë mund dhe sakrifica, të moshuarit e çdo shteti, kanë nevojë për ditë të qeta 'me diell' e dashuri.

Mosha e tretë në Shqipëri fatkeqësisht nuk gëzon të njëjtat kushte si ata të vendeve europiane, por mbijeton në kushte të vështira ekonomike.

Bashkia e Durrësit prej vitit 2002 ka ngritur institucionin e Qendrës Ditorë të të Moshuarve, një institucion i përkujdesit social dedikuar moshës së tretë me probleme sociale, të cilët marin një sërë shërbimesh.

Kjo qender e cila aktualisht ofron shërbim falas për 110 të moshuar, synon respektimin e të drejtave, përmirsimin e cilësisë së jetës dhe integrimin e tyre në shoqëri me qëllim shmangien e përjashtimit social.

Qendra orientohet nga parimi i të qënurit një ambient i hapur, i respektueshëm dhe me një sjellje të natyrës pjesëmarrëse ku mendimi apo opinioni i përfituesve të shërbimit, kërkohet dhe merret në konsideratë, përgjatë menaxhimit të kësaj qendre.

Por çfarë kriteresh duhet të përmbushin personat e moshës së tretë për të përfituar këtë shërbim pranë QDM së Durrësit?

  • Vijnë nga familje pa të ardhura ose me të ardhura të pamjaftueshme.
  • Vijnë nga familje në nevojë, të vlersuara nga administratori shoqëror.
  • Janë të vetmuar, të braktisur dhe pa të ardhura.
  • Kanë mbushur moshën për pension, sipas legjislacionit në fuqi.

Dokumentacioni i nevojshëm për t'u pranuar në këtë institucion përfshijnë:

  • Kërkesë me shkrim nga vetë personi ose familja, nga të afërmit e tij/saj, apo administratori shoqëror i njësisë ku banon, me miratimin e personit të moshuar.
  • Certifikatë e gjendjes familjare.
  • Certifikatë e gjendjes civile (ose fotokopje e kartës së identitetit).
  • Fotografi të personit (2 copë).
  • Raporti mjeksor që përcakton gjendjen shëndetësore të personit;
  • Vërtetim nga Sigurimet Shoqërore nëse përfiton ose jo pension pleqërie, apo ndonjë lloj tjetër pensioni.
  • Vërtetimin e lëshuar nga administratori i njësisë së Ndihmës dhe Përkujdesit Shoqëror për gjendjen ekonomike të familjes së personit të moshuar.

SHËRBIMET E OFRUARA

  • Mbështetje psiko-sociale. Evidentimi nga punonjesi social i problemeve që kanë të moshuarit, vlerësimi i tyre dhe ndërhyrja, duke shfrytëzuar të gjithë resurset sociale të mundshme.
  • Shërbim mjekësor. Sipas burimeve zyrtare pranë Qendrës Ditore të të Moshuarve në Durrës, gjatë kësaj periudhe të gjithë të moshuarit kanë përfituar shërbimin mjekësor të nevojshëm.
  • Ushqim (çaj/kafe dhe dreka). Të moshuarit kanë përfituar 100% fondin e tyre ushqimor. Atyre iu ofrohet pirja e kafes ose çajit në mëngjes dhe dreka e cila përgatitet në bazë të menusë javore e sugjeruar nga mjekja.
  • Shërbime sanitare. Për higjenën e Qendrës kujdesen 2 sanitare
  • Aktivitet social-kulturor brenda dhe jashtë institucionit. Politikat e QDM synojnë pakësimin e pabarazive sociale dhe varfërinë. Të moshuarit mundësohen të shpenzojnë kohën duke ju ofruar veprimtari të ndryshme sociale dhe argëtuese.

/portali DurresLajm/

Na bëni like në facebook!: 

Lajme nga e njëjta kategori

84-vjeçarja Klara Merlika ka rrëfyer në emisionin "Studio e Hapur" në News24, 45 vitet e saj në internim si dhe peripecitë që i është das

   Një nga plazhet që po i le të kënaqur pushuesit është ai i Tales në Lezhë.

Ish-trupa e estradës, regjisori Haxhi Rama artist i merituar, aktorët Aishe Stari, Roland Koca, artistë të merituar, janë mbledhur brenda

"Do e takoja sot në 11 të paraditës për të bërë humor e për të folur ashtu siç bëjmë ne, por Fadili na la."

Këtë të hënë, universiteti “Aleksandër Moisiu” Durrës (UAMD) nënshkroi një Marrëveshje Bashkëpunimi me qendrën “Gratë në shërbimin publik

Vetëvrasja është një nga fenomenet më të dhimbshme të shoqërisë dhe gjerësisht i përhapur.

Punonjësit shqiptarë kanë preferencat e tyre dhe nuk janë shumë indiferentë nëse kanë mbi krye një mashkull apo një femër.

   Konsumatori shqiptar vazhdon të mashtrohet çdo ditë nga tregtarët, të cilët shesin djath.

   Vendi ynë vazhdon të jetë disa herë mbi normën mesatare europiane të ndotjes.

Nga mbrëmë, nuk jeton më miku dhe shoku ynë i paharruar Ruf (Rifat) Kazazi

Nga BUJAR QESJA