Dinamo Kievit: Lojtarët e Skënderbeut kërkuan hotel luksi, çokollatë të zezë dhe pica “Margherita”

Postuar: 13/09/2017 - 14:23

Klubi i Dinamos së Kievit ka publikuar në faqen e vet zyrtare një informacion të detajuar për Skënderbeun, kundërshtarin e të enjtes në Ligën e Europës. Por nuk bëhet fjalë për taktikat që përdorin korçarët apo elementët cilësorë të tyre.

Bëhet fjalë për axhendën e udhëtimit të skuadrës shqiptare drejt Ukrainës si dhe të porosive të zakonshëm apo të veçanta që ata kanë bërë për këtë vizitë 3 ditore në Ukrainë. “Skënderbeu në Kiev, dy ditë por asgjë tjetër veç futbollit”, titullohet artikulli i cili tregon përgatitjet e korçarëve në Ukrainë.

Në vijim, detajet e publikuara nga ukrainasit rreth vizitës shqiptare…

“Klubi nga qyteti i Korçës mbërriti në kryeqytetin e Ukrainës sot, me një udhëtim çarter nga Selaniku. Klubi shqiptar akomodohet në një nga hotelet më të mira të qytetit, “Premier Palace”, i cili gjendet vetëm pak kilometra larg stadiumit “Olimpiyskiy”. Gjatë ditës, ekipi do të qëndrojë pushim ndërsa në orën 19:00, do të fillojë stërvitjen para ndeshjes, para të cilës do të zhvillohet konferenca për shtyp e trajnerit dhe një prej lojtarëve. Kërkesat e Skënderbeut për ekipin pritës janë të zakonshmet, por ka edhe disa të veçanta. Topa futbolli, porta të lëvizshme, tavolina masazhi, peshqirë, akull, çaj, kafe… Përveç këtyre, shqiptarët kanë kërkuar për çdo pjesëtar delegacioni nga një çokollatë të zezë dhe biskota të kripura. Në mëngjesin e ditës së ndeshjes, nuk ka asnjë plan të parapërgatitur nga Skënderbeu, ekipi do të qëndrojë në hotel. Delegacioni do të niset drejt stadiumit në orën 18:00 (lokale), 2 orë para fillimit të ndeshjes. Në orën 20:00 (lokale), do të dëgjohet bilbili i gjyqtarit Bart Verntenten dhe pas takimit, është parashikuar kthimi në hotel. Një gjë interesante është se pas ndeshjes, në dhomat e zhveshjes, shqiptarët kanë porositur 10 pica “Margherita”. Shqiptarët do të kthehen në vendlindje gjatë pasdites së 15 shtatorit.”- përfundon artikulli

/portali DurresLajm/

Na bëni like në facebook!: 

Lajme nga e njëjta kategori

Pablo Mafeo është kthyer në një nga emrat më të përfolur në Spanjë këtë fundjavë, pasi arriti të bënte atë që pakkush kishte bërë më parë

Arsene Wenger tentoi maksimumin e tij që të shtirej sikur Arsenalit nuk i mungonte Champions League, kur ishte përballë mediave javën e k

Mesfushori me origjinë shqiptare i Real Sociedadit, Adnan Januzaj, nuk është penduar që nuk pranoi të luante për kombëtaren e Shqipërisë

Nuk ka pushim për klubet shqiptare, sepse nesër e pasnesër duhet të zbresin në fushë për ndeshjen e kthimit të turit të parë në Kupën e S

Një vit pezullim për presidentin e Juves, Andrea Agnelli, si dhe 300 mijë euro gjobë për klubin bardhezi.

Derbi i Durrësit mbyllet me fitoren e Teutës në shifrat 2-1.

Skënderbeu luan të enjten me Jang Bojs në Europa League dhe korçarët kërkojnë pikët e para përballë tifozëve të tyre në stadiumin “Elbasa

Gola, kartonë të kuq dhe vetëm barazim. Teuta dhe Shkëndija e Durrësit kanë ndarë nga një pikë në ndeshjen e parë të kampionatit.

PSG-ja nuk po i gjen dot ende një zgjidhje çështjes së gjuajtësit të penalltive, debat që lindi mes Kavanit dhe Nejmarit gjatë ndeshjes s

Kombëtarja e 19-vjeçarëve të Shqipërisë bëhet gati për eliminatoret e Europianit 2018 që do të zhvillohet në Finlandë.